హనోయ్, సెప్టెంబర్ 3: వియత్నాంతో రక్షణ సహకారాన్ని మరింత బలోపేతం చేసుకునేందుకు ఆ దేశానికి 50 కోట్ల డాలర్ల రుణాన్ని ఇవ్వడానికి భారత్ అంగీకరించింది. అలాగే ప్రాంతీయ సవాళ్లను దీటుగా ఎదుర్కోవడానికి ఇరు దేశాల మధ్య ఉన్న సంబంధాలను సమగ్ర వ్యూహాత్మక సంబంధాల స్థాయికి పెంచుకోవాలని కూడా ఇరు దేశాలు నిర్ణయించాయి.

వాటికన్ సిటీ/ కోల్‌కతా, సెప్టెంబర్ 3: మదర్ థెరిస్సా.. అంటే పరిచయం చేయాల్సిన అవసరం లేని పేరు. క్రైస్తవులే కాక ఆమెను అభిమానించే వారిలో లక్షలాది మంది క్రైస్తవేతరులూ ఉన్నారు. రోమన్ క్యాథలిక్ చర్చ్ పోప్ ఫ్రాన్సిస్ ఆదివారం వాటికన్ సిటీలో నిర్వహించే కార్యక్రమంలో మదర్ థెరిస్సాను దేవతగా ప్రకటించనున్నారు.

హనోయ్, సెప్టెంబర్ 3: వియత్నాంలో పర్యటిస్తున్న ప్రధాన మంత్రి మోదీ శనివారం ఆ దేశ ప్రధాని గుయెన్ జువాన్ హుక్‌తో కలసి కాసేపు సరదాగా చేపలను వేటాడటంతోపాటు హనోయ్‌లోని చారిత్రక పగోడా దేవాలయాన్ని, వియత్నాం జాతీయ నేత హోచిమిన్ నివసించిన స్టిల్ట్ హౌస్‌ను సందర్శించారు.

వియత్నాం: భారత ప్రధాని నరేంద్రమోదీ వియత్నాం పర్యటన సందర్భంగా హనోయ్‌లో ఆ దేశ ప్రధానితో జరిపిన ద్వైపాక్షిక చర్చల్లో కీలక ఒప్పందాలు కుదిరాయి. భారత్‌-వియత్నాం మధ్య 12 ఒప్పందాలపై అధికారులు సంతకాలు చేశారు. అనంతరం ప్రధాని మోదీ మాట్లాడుతూ, తెలిపారు. రక్షణ, భద్రత రంగాల్లో ఒప్పందాలు సంతోషకరమని, ఒప్పందాల వల్ల ఇరు దేశాల ఆర్థికాభివృద్ధికి అవకాశముందన్నారు.