చలికాలంలో చల్లటిగాలులే కా దు, తేమ వాతావరణం వల్ల బ్యాక్టీరియా, వైరస్‌ల తాకిడితో జలుబు, దగ్గు, ఫ్లూ వంటి సాధారణ వ్యాధుల బారిన పడకతప్పదు. చలి తీవ్రతను తట్టుకునేందుకు స్వెట్టర్లే కాదు, కొన్ని ఆరోగ్య పద్ధతులను పాటిస్తే ఉపశమనం పొందవచ్చని వైద్య నిపుణులు సూచిస్తున్నారు. పెద్ద ఖర్చేమీ లేకుండా ఇంట్లోనే కొన్ని సహజ పద్ధతులను మనం సులభంగా పాటించవచ్చు.

చర్మ సౌందర్యాన్ని కాపాడడంలో పెరుగు ఎంతగానో ఉపకరిస్తుంది. ఎండవేడి కారణంగా వాడిపోయిన చర్మానికి సహజకాంతిని ఇది కలిగిస్తుంది. కొన్ని ఇళ్లలో ఇప్పటికీ పిల్లలకి వొంటినిండా పెరుగు రాసి మర్దనా చేసి స్నానం చేయిస్తారు. చిక్కటి పెరుగులో కాస్త ఆరెంజ్ జ్యూస్ కలిపి ముఖానికి రాసుకుంటే నల్లమచ్చలు, మొటిమలు తొలగిపోతాయి. పెరుగులో శెనగపిండి, నిమ్మరసం కలిపి రాసుకున్నా ముఖచర్మం మంచి నిగారింపును సంతరించుకుంటుంది.

దంత సంరక్షణ పట్ల నిర్లక్ష్యం వహిస్తే నోటి నుంచి వెలువడే దుర్వాసన మనకే కాదు, ఇతరులకు సైతం ఇబ్బంది కలిగిస్తుంది. కొన్ని పద్ధతులను పాటిస్తే నోటి దుర్వాసన సమస్య నుంచి సులభంగా గట్టెక్కవచ్చు. ప్రతిరోజూ ఉదయం, రాత్రి వేళల్లో విధిగా దంతధావనం చేయాలి. ఇలా చేస్తే పళ్లమధ్య ఇరుక్కున్న పాచి పదార్థాలు బయటకు పోతాయి. రాత్రి సమయంలో నిద్రపోవడానికి ముందు ‘బ్రష్’ చేయడం అన్ని విధాలా మంచిది.

రక్తంలో కొవ్వు శాతం తగ్గించుకుంటే గుండె జబ్బుల బారిన పడకుండా జాగ్రత్త పడొచ్చని, ఇందుకు ఆహార పద్ధతుల్లో మార్పులు అనివార్యమని వైద్య నిపుణులు సూచిస్తున్నారు. ఆహారపు అలవాట్లను గాడిలో పెట్టగలిగితే గుండె సంబంధిత సమస్యలు దరిచేరవని వారు భరోసా ఇస్తున్నారు. రక్తంలో కొవ్వు తగ్గేందుకు కొన్ని పద్ధతులు ఆచరిస్తే మంచి ఫలితాలు కన్పిస్తాయి. యాంటీ ఆక్సిడెంట్లు పుష్కలంగా కలిగిన ఆలివ్ నూనెను వంటల్లో వాడడం ఉత్తమం.