విజయవాడ: మహిళాభ్యున్నతి కోసం నిరంతరం కృషిచేస్తున్న ఘనత ఒక్క తెలుగుదేశం ప్రభుత్వానికే దక్కుతుందని ముఖ్యమంత్రి నారా చంద్రబాబు నాయుడు అన్నారు. మహిళాభ్యున్నతికి తమ ప్రభుత్వం అనేక సంక్షేమ కార్యక్రమాలు చేపట్టి అమలు చేస్తోందంటూ సంక్షేమ పథకాల్లో మహిళలకే అగ్ర ప్రాధాన్యత ఇవ్వనున్నామని చెప్పారు. అంతర్జాతీయ మహిళా దినోత్సవం సందర్భంగా మహిళా లోకానికి చంద్రబాబు శుభాకాంక్షలు తెలిపారు.

హైదరాబాద్: ఆంధ్రప్రదేశ్‌లో ప్రైవేట్ భవనాల్లో నడుస్తున్న ప్రభుత్వ కార్యాలయాల నెలసరి అద్దెను పెంచుతూ ప్రభుత్వం నిర్ణయం తీసుకున్నది. ఈమేరకు ఆర్థిక శాఖ ముఖ్యకార్యదర్శి పివి రమేష్ పేరుతో సోమవారం ఉత్తర్వులు జారీ అయ్యాయి. ప్రస్తుత రాజధాని హైదరాబాద్‌లో ప్రైవేట్ భవనాల్లో నడుస్తున్న ఏపీ ప్రభుత్వ భవనాల అద్దెను పెంచలేదు.

హైదరాబాద్: మగాళ్లు సైతం తల దించుకునేలా వైకాపా ఎమ్మెల్యే రోజా బజారు భాషలో తిట్లదండకం విప్పుతూ రెచ్చగొట్టేలా మాట్లాడుతున్నందున ఆమెపై పోలీసులు వెంటనే రౌడీషీట్ తెరవాలని టిడిపి నేత, మాజీ మంత్రి సోమిరెడ్డి చంద్రమోహన్‌రెడ్డి డిమాండ్ చేశారు. ఆయన సోమవారం ఇక్కడ మీడియాతో మాట్లాడుతూ, రోజాకు మహిళలే తగిన రీతిలో బుద్ధి చెప్పే రోజు వస్తుందన్నారు.

హైదరాబాద్: ఓ సినిమా ఫంక్షన్‌లో మహిళల గురించి అసభ్యకరంగా మాట్లాడినందుకు టిడిపి ఎమ్మెల్యే, సినీహీరో బాలకృష్ణ వెంటనే క్షమాపణలు చెప్పాలని వైకాపా ఎమ్మెల్యే రోజా డిమాండ్ చేశారు. ఆమె సోమవారం ఇక్కడ మీడియాతో మాట్లాడుతూ, తెలుగుదేశం నేతలకు మహిళలను గౌరవించడం తెలియదన్నారు. ఎపి మంత్రి రావెల కిశోర్‌బాబు తనయుడు సుశీల్ ఓ మైనారిటీ మహిళ పట్ల అమర్యాదగా ప్రవర్తించడం వల్లే పోలీసులు కేసు నమోదు చేశారని అన్నారు.