కడప, నవంబర్ 13 : దుబాయ్‌కి చెందిన అంతర్జాతీయ ఎర్రచందనం స్మగ్లర్ అలీవుద్దీన్‌తో పాటు అతడి ఐదుగురు ప్రధాన అనుచరులను ఆదివారం కడప జిల్లా పోలీసులు అరెస్టు చేసినట్లు ఎస్పీ పిహెచ్‌డి రామకృష్ణ తెలిపారు. కడప నగరంలోని జిల్లా పోలీసు కార్యాలయంలో ఆదివారం ఎస్పీ విలేఖరుల సమావేశంలో వివరాలు వెల్లడించారు.

ఒంగోలు, నవంబర్ 13: రాష్ట్రంలోని మహిళల రక్షణ కోసం త్వరలో అభయ యాప్‌ను అన్ని జిల్లాల్లో ప్రవేశపెడుతున్నట్లు డిజిపి నండూరి సాంబశివరావు వెల్లడించారు. ఆదివారం ఒంగోలులోని ఎస్‌పి కార్యాలయంలో ఏర్పాటుచేసిన విలేఖర్ల సమావేశంలో ఆయన మాట్లాడుతూ తొలుత విశాఖపట్నంలో ఈ యాప్‌ను వినియోగించామని, దీనిని త్వరలో రాష్టవ్య్రాప్తంగా విస్తరింప చేయనున్నట్లు తెలిపారు.

విశాఖపట్నం, నవంబర్ 13: నైరుతి బంగాళాఖాతం నుంచి దక్షిణ కోస్తాను ఆనుకుని అల్పపీడన ద్రోణి ఏర్పడిందని విశాఖ తుపాను హెచ్చరికల కేంద్రం అధికారులు ఆదివారం రాత్రి తెలిపారు. దీని ప్రభావంతో దక్షిణ కోస్తాలో ఒకటి, రెండు చోట్ల తేలికపాటి వర్షాలు కురిసే అవకాశం ఉంది. ఉత్తర కోస్తాలో వాతావరణం పొడిగా ఉంటుందని పేర్కొన్నారు. రాత్రి ఉష్ణోగ్రతల్లో పెద్దగా మార్పేమీ ఉండదన స్పష్టం చేశారు.

ప్రత్తిపాడు, నవంబర్ 13: కాపులకు రిజర్వేషన్ల కోసం శాంతియుతంగా తాను నిర్వహించనున్న పాదయాత్రను ఎట్టి పరిస్థితిలోనూ ఆపేది లేదని కాపు ఉద్యమ నేత ముద్రగడ పద్మనాభం ప్రకటించారు. ప్రభుత్వానికి అనుమానం ఉంటే అనుమానం ఉంటే తనకు యాత్రలో పాల్గొనే సహచరులకు పోలీసుల చేత బేడీలు వేయించైనా, యాత్రకు సహకరించాలని ముద్రగడ, ముఖ్యమంత్రి చంద్రబాబునాయుడును కోరారు.