మంగళగిరి, డిసెంబర్ 25: గుంటూరు జిల్లా మంగళగిరిలోని నిడమర్రు రోడ్డులో గల వ్యవసాయ మార్కెట్ కమిటీ కార్యాలయం ఎదుట రోడ్డుపై శుక్రవారం తెల్లవారుఝామున పీకలదాకా మద్యం తాగిన కొందరు యువకుల మధ్య జరిగిన స్ట్రీట్‌ఫైట్‌లో మేకతోటి హేమంత్ (25), కాకర్ల రమేష్ (20) అనే యువకులు హత్యకు గురయ్యారు.

హైదరాబాద్, డిసెంబర్ 25: బిసి రిజర్వేషన్లలో క్రీమీ లేయర్ వ్యవహారంపై ప్రభుత్వాన్ని ఇరకాటంలో పెట్టేందుకు విపక్షాలు, ఆందోళన చేయాలని బిసి సంఘాలు ప్రయత్నిస్తుండగా, ప్రభుత్వం మాత్రం సుప్రీంకోర్టు ఆదేశాల మేరకే క్రీమీ లేయర్‌ను అమలు చేస్తున్నట్టు ప్రకటించింది. ఈ నేపథ్యంలో జాతీయ బిసి కమీషన్ జస్టిస్ వి ఈశ్వరయ్య ప్రభుత్వ నిర్ణయాన్ని సమర్ధించారు.

హైదరాబాద్, డిసెంబర్ 25: ఉద్యోగుల భవిష్య నిధి సంస్థ (ఈపిఎఫ్‌ఓ) కార్యకలాపాలను ఫేస్‌బుక్, ట్విట్టర్ ద్వారా నిర్వహించేందుకు వీలుగా వాటిని కేంద్ర కార్మిక శాఖ సహాయ మంత్రి బండారు దత్తాత్రేయ శుక్రవారం ప్రారంభించారు. ఈ రెండింటి వల్ల ఈపిఎఫ్ సమస్యల పరిష్కారం, లబ్దిదారులకు సమాచారం వెంటనే తెలియజేసేందుకు ఈ సామాజిక మాధ్యమాలైన ఫేస్‌బుక్, ట్విట్టర్లు చాలా ఉపయోగపడతాయని అన్నారు.

భీమవరం, డిసెంబర్ 25: విభజన తర్వాత రాష్ట్రంలో కొత్త విమానాశ్రయాల ఏర్పాటుకు కొన్ని సాంకేతిక ఇబ్బందులు ఎదురవుతున్నాయని కేంద్ర పౌర విమానయాన శాఖ మంత్రి పి అశోక్‌గజపతిరాజు అన్నారు. రెండు రాష్ట్రాల్లో కొత్త విమానాశ్రయాలు ఏర్పాటుకు రాష్ట్రప్రభుత్వాలు ముందుకు రాకపోవడమేకాక భూ సేకరణ, భారీగా నిధుల అవసరం తదితర ఇబ్బందులున్నాయన్నారు. పశ్చిమ గోదావరి జిల్లా భీమవరంలో శుక్రవారం ఆయన విలేఖర్లతో మాట్లాడారు.