తాండూరు, మే 23: టెట్ ‘కీ’ ఓ విద్యార్థినిని కాటేసింది. తక్కువ మార్కులు వస్తాయనే మనస్థాపంతో ఓ విద్యార్థిని ఆత్మహత్యకు పాల్పడింది. ఈ హృదయ విదారకర సంఘటన రంగారెడ్డి జిల్లా తాండూరు పట్టణంలో చోటుచేసుకుంది. పట్టణంలోని భవిగి భద్రేశ్వర దేవస్థానం ఆవరణలో నివాసముంటున్న మఠం శే్వత(21) ఈనెల 22న నిర్వహించిన ఉపాధ్యాయ అర్హత పరీక్ష (టెట్)కు హాజరైంది.

హైదరాబాద్, మే 23: వచ్చే దసరా నుంచే కొత్త జిల్లాలు అమల్లోకి రానున్నాయి. సిఎం ముందుగా ప్రకటించినట్టు కొత్త జిల్లాల పేర్లు జూన్ 2న ప్రకటించే అవకాశం లేదు. ముందుగా హైదరాబాద్‌లో వర్క్‌షాప్ నిర్వహించి ఆ తరువాతే జిల్లాలను ప్రకటిస్తారు. పరిపాలనా సౌలభ్యం, ప్రజాసౌకర్యం అంశాలను దృష్టిలో ఉంచుకుని జిల్లాల పునర్వ్యవస్థీకరణ జరపాలని నిర్ణయించినట్టు సిఎం కెసిఆర్ ప్రకటించారు.

విజయవాడ, మే 23: రాష్ట్ర రాజధాని అమరావతిలో పెట్టుబడులు పెట్టేందుకు జపాన్ సంస్థలు ముందుకొచ్చాయి. జపాన్‌కు చెందిన సుమారు 130 మంది పారిశ్రామిక ప్రతినిధులతో ముఖ్యమంత్రి చంద్రబాబు సోమవారం విజయవాడలో సమావేశమై అనేక అంశాలపై చర్చించారు. రాష్ట్ర రాజధాని కోసం ఒక్క రూపాయి కూడా ఖర్చు చేయకుండా 33 వేల ఎకరాల భూమిని సేకరించామని చెప్పారు. వినూత్నమైన ఆలోచనలతో ఎపిని రోల్ మోడల్‌గా తీర్చిదిద్దనున్నామని చెప్పారు.

హైదరాబాద్, మే 23: హైదరాబాద్ నుంచి అమరావతికి తరలి వచ్చే ఉద్యోగుల పనిరోజులు ఖరారు చేస్తూ ఆంధ్రప్రదేశ్ ప్రభుత్వ ప్రధాన కార్యదర్శి ఎస్‌పి టక్కర్ సోమవారం ఉత్తర్వులు జారీ చేశారు. ఉద్యోగుల విజ్ఞప్తి పరిగణనలోకి తీసుకుని వెలగపూడిలో నిర్మించే ప్రభుత్వ భవన సముదాయంతోపాటు అమరావతి పరిసరాల్లో పని చేసేందుకు హైదరాబాద్ నుంచి తరలివచ్చిన ఉద్యోగులకు వారంలో ఐదురోజులు మాత్రమే పనిదినాలుగా ఖరారు చేశారు.