హైదరాబాద్, మే 24:రాజ్యసభ ఎన్నికల నోటిఫికేషన్ విడుదల నేపథ్యంలో తెలుగుదేశం పార్టీ ఆశావహుల సంఖ్య పెరుగుతోంది. కులాలు, ప్రాంతాల డిమాండ్లతో టిడిపి అధినేత, ఏపి సీఎం చంద్రబాబునాయుడుపై ఒత్తిళ్లు పెరుగుతున్నాయి. ఏపి నుంచి ఖాళీ అయ్యే నాలుగు సీట్ల భర్తీ ప్రక్రియలో మూడు స్థానాలు టిడిపి, ఒకటి వైఎస్సార్‌సీపీకి సులభంగా దక్కే అవకాశాలున్నాయి.

విజయవాడ, మే 23: అవయవదానం పట్ల సామాన్య ప్రజల్లో సైతం చైతన్యం పెరుగుతోంది. అయితే పేదలు ఇస్తున్న అవయవాలు కోట్లకు పడగలెత్తిన పెద్దల పునర్జన్మకే తరలిపోతున్నాయి. ప్రభుత్వ వైద్యశాలల్లో అవయవాల మార్పిడి విభాగాలు లేకపోవటంతో ప్రైవేట్, కార్పొరేట్ ఆసుపత్రుల్లో లక్షలకు లక్షల రూపాయలు ఖర్చు చేయగలిగే స్థితిమంతుల అవసరాలు ఆసరా చేసుకొని మహత్తర అవయవదాన మహోద్యమంలో దళారుల పాత్ర పెరుగుతోందా?

హైదరాబాద్, మే 23: ఉబ్బసం వ్యాధితో బాధపడుతున్నవారి కోసం నగరంలోని నాంపల్లి ఎగ్జిబిషన్ గ్రౌండ్‌లో జూన్ 8న చేపప్రసాదాన్ని పంపిణీ చేయనున్నట్టు బత్తితి హరినాథ్ గౌడ్ తెలిపారు. సోమవారం సోమాజిగూడ ప్రెస్‌క్లబ్‌లో ఏర్పాటు చేసిన విలేఖరుల సమావేశంలో ఆయన మాట్లాడుతూ 1945వ సంవత్సరం నుంచి తమ పూర్వీకులు ప్రసాదాన్ని పంపిణీ చేస్తున్నట్టు తెలిపారు.

హైదరాబాద్ మే 23: కాంగ్రెస్ రహిత భారతదేశ కలను సాకారం చేసుకునే లక్ష్యంలో భాగంగా భారతీయ జనతా పార్టీ కార్యాచరణ ప్రారంభించింది. రెండేళ్ల మోదీ పాలనలో వివిధ రాష్ట్రాలకు చేసిన సాయంతోపాటు, వివిధ వర్గాల సంక్షేమం కోసం అమలుచేస్తున్న పథకాలను క్షేత్రస్థాయిలో ప్రచారం చేసేందుకు ఏర్పాటుచేసిన ‘వికాస్ పర్వ్’ కార్యక్రమం విజయవంతం కోసం కసరత్తు మొదలుపెట్టింది.