బిజినెస్
చంద్రబాబుతో టోనీ ఎలక్ట్రానిక్స్ ప్రతినిధి బృందం భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, అక్టోబర్ 19: ఆంధ్రప్రదేశ్‌లో కర్మాగారాన్ని నెలకొల్పటానికి ఎలక్ట్రానిక్స్ రంగ దిగ్గజం టిసిఎల్ కంపెనీకి అనుబంధంగా ఉన్న టోనీ ఎలక్ట్రానిక్స్ సాధ్యాసాధ్యాలను పరిశీలిస్తోంది. టిసిఎల్ కార్పొరేషన్ వైస్ ప్రెసిడెంట్, టోనీ ఎలక్ట్రానిక్స్ హోల్డింగ్స్ సిఇఒ గారీ యు నేతృత్వంలో చైనా నుంచి వచ్చిన ప్రతినిధి బృందం విజయవాడ సిఎంఒలో ముఖ్యమంత్రి చంద్రబాబునాయుడుతో బుధవారం భేటీ అయ్యింది. తమ రాష్ట్రంలో ఫైబర్ గ్రిడ్ ప్రాజెక్టును అతి త్వరలో ప్రారంభించనున్నట్లు టిసిఎల్ కంపెనీ ప్రతినిధులతో ఈ సందర్భంగా చంద్రబాబు చెప్పారు. విశాఖ- చెన్నై పారిశ్రామిక కారిడార్, చెన్నై-బెంగళూరు పారిశ్రామిక కారిడార్ ఏర్పాటు కానున్నాయని వివరించారు. విశాఖ- చెన్నై పారిశ్రామిక కారిడార్ (విసిఐసి)కి 625 మిలియన్ డాలర్ల రుణం ఇవ్వటానికి ఆసియా అభివృద్ధి బ్యాంకు అంగీకరించిందన్నారు. 2019వ సంవత్సరానికి మొదటి దశ ప్రాజెక్టు పూర్తవుతుందని, టెక్నాలజీలో తాము పటిష్ఠంగా ఉన్నామన్నారు. కాగా, టిసిఎల్‌కు ప్రపంచ వ్యాప్తంగా 21 ఉత్పత్తి కేంద్రాలు, 80 విక్రయ కార్యాలయాలు, 23 అభివృద్ధి, పరిశోధనా సంస్థలున్నాయి. దేశ విదేశీ కంపెనీలలో 75 వేల మంది ఉద్యోగులున్నారు.
టోనీ ఎలక్ట్రానిక్స్ ప్రతినిధులతో చంద్రబాబు
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.