బిజినెస్
రాస్‌నెఫ్ట్ చేతికి ఎస్సార్ ఆయిల్
S ,7 à 8 RSCA (si SASPAS) et 6 cialis pharmacie cialis rapports de stage.
పనాజి, అక్టోబర్ 15: రష్యాకు చెందిన ప్రభుత్వరంగ చమురు సంస్థ రాస్‌నెఫ్ట్ నేతృత్వంలోని కూటమి.. శనివారం ఎస్సార్ ఆయిల్‌ను హస్తగతం చేసుకుంది. భారతీయ రెండో అతిపెద్ద ప్రైవేట్‌రంగ చమురు సంస్థ అయిన ఎస్సార్ ఆయిల్‌ను రాస్‌నెఫ్ట్ కూటమి దాదాపు 13 బిలియన్ డాలర్లకు కొనుగోలు చేసింది. భారత్‌లోకి వచ్చిన విదేశీ ప్రత్యక్ష పెట్టుబడుల్లో (ఎఫ్‌డిఐ) ఈ డీల్‌నే అతిపెద్దది కావడం గమనార్హం. డాలర్‌తో పోల్చితే భారత కరెన్సీ రూపాయికి ఉన్న ప్రస్తుత విలువ ప్రకారం ఈ డీల్ విలువ సుమారు 90,000 కోట్ల రూపాయలు మరి.
ఇక పూర్తిగా నగదు లావాదేవీల్లో జరిగిన ఈ డీల్‌లో ఎస్సార్ ఆయిల్‌లోని 49 శాతం వాటాను రాస్‌నెఫ్ట్ అందుకుంది. మరో 49 శాతం వాటాను ప్రపంచంలోని అతిపెద్ద కమాడిటీ ట్రేడింగ్ సంస్థల్లో ఒకటైన నెదర్లాండ్స్‌కు చెందిన ట్రఫిగుర గ్రూప్‌తోపాటు రష్యా ఇనె్వస్ట్‌మెంట్ ఫండ్ యునైటెడ్ క్యాపిటల్ పార్ట్‌నర్స్ పొందుతున్నాయి. ఎస్సార్ డీలిస్టింగ్ తర్వాత మిగతా 2 శాతం వాటాను మైనారిటీ భాగస్వాములు అందుకుంటారు. ఎస్సార్ ఆయిల్‌కు చెల్లిస్తున్న 13 బిలియన్ డాలర్లలో 4.5 బిలియన్ డాలర్లు ఎస్సార్ ఆయిల్ రుణమైతే, దాదాపు మరో 2 బిలియన్ డాలర్ల రుణం.. పోర్ట్ కంపెనీ, పవర్ ప్లాంట్‌లకు చెందినవి ఉన్నాయి. ఇంతకుముందు జరిపిన చమురు కొనుగోళ్లకు సంబంధించి ఇరాన్‌కు చెల్లించాల్సిన సుమారు 3 బిలియన్ డాలర్ల బకాయిలు కూడా ఉన్నాయి. ఇకపోతే ఈ డీల్‌లోనే గుజరాత్‌లోని ఎస్సార్ ఆయిల్‌కు చెందిన 20 మిలియన్ టన్నుల సామర్థ్యం కలిగిన చమురు శుద్ధి కర్మాగారం ఉందని ఎస్సార్ గ్రూప్ డైరెక్టర్ ప్రశాంత్ రుయా తెలిపారు. వచ్చే ఏడాది ప్రథమ త్రైమాసికంలో ఈ డీల్ ముగియవచ్చన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.