అంతర్జాతీయం
‘సంఝోతా’కు హాల్ట్!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 8: సంఝోతా ఎక్స్‌ప్రెస్ రైలుకు పాకిస్తాన్ బ్రేక్ వేసింది. జమ్మూకాశ్మీర్‌కు ప్రత్యేక ప్రతిపత్తిని కల్పించే ఆర్డికల్ 370 రద్దు తర్వాత భారత్‌పై గుర్రుగా ఉన్న పాకిస్తాన్ గురువారం వాఘా సరిహద్దు వద్ద సంఝోతా ఎక్స్‌ప్రెన్‌ను అడ్డుకొని, వెనక్కు పంపింది. భద్రతాపరమైన కారణాలతోనే ఈ నిర్ణయం తీసుకున్నామని పాకిస్తాన్ అధికారులు ప్రకటించారు. ఈ సమాచారం అందుకున్న వెంటనే భారత అధికారులు వాఘా బార్డర్‌కు వెళ్లి, ప్రయాణులు, రైలు సిబ్బందిని జాగ్రత్తగా అతారీకి తరలించారు. భద్రతా కారణలను ఉటంకిస్తున్నప్పటికీ, కాశ్మీర్‌పై మోదీ సర్కారు తీసుకున్న నిర్ణయాన్ని పాకిస్తాన్ జీర్ణించుకోలేకపోతున్నదన్నది వాస్తవం. అందుకే, బుధవారం ఇస్లామాబాద్‌లో భారత రాయబారిని బహిష్కరించింది. గురువారం సంఝోతా ఎక్స్‌ప్రెస్‌ను నిలిపేసి, పరోక్షంగా తన ఆగ్రహాన్ని భారత్‌కు తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.