సూపర్‌స్టార్ రజనీకాంత్ రెండో కుమార్తె సౌందర్య వివాహబంధం తెగిపోయిందని, ఆమె విడాకులు తీసుకుందని వచ్చిన వార్తలపై స్వయంగా ఆమే స్పందించింది. ట్విట్టర్ వేదికగా శనివారంనాడు ఆమె తన అభిప్రాయాన్ని వెల్లడించింది. ‘నేను, నా భర్త ఏడాదిగా వేరుగా ఉంటున్నాం. విడాకుల కోసం చర్చలు జరుగుతున్నాయి. నా వ్యక్తిగత, కుటుంబ వ్యవహారాలకు సంబంధించి ప్రైవసీని దెబ్బతీయకండి’ అంటూ ట్వీట్ చేసింది.

ప్రముఖ నటుడు ప్రకాష్‌రాజ్ నటిస్తూ స్వీయ దర్శకత్వంలో రూపొందిస్తున్న ద్విభాషా చిత్రం ‘మన ఊరి రామాయణం’. ప్రియమణి, సత్యదేవ్, పృధ్వీ ముఖ్యపాత్రలు పోషిస్తున్న ఈ చిత్రంలోని పాటలు శుక్రవారం హైదరాబాద్‌లో విడుదలయ్యాయి. ఇళయరాజా సంగీతం అందించిన ఈ ఆడియో వేడుక కార్యక్రమంలో ప్రముఖ నటుడు అక్కినేని నాగార్జున పాటల సీడీని విడుదల చేశారు. అనంతరం ఆయన మాట్లాడుతూ- ‘ప్రతి మనిషిలోని రాముడు ఉంటాడు, రావణుడూ ఉంటాడు.

ధనుష్, కీర్తిసురేష్ జంటగా నటించిన ‘రైల్’ చిత్రం ఈనెల 22న విడుదలకు సిద్ధమైంది. శ్రీ పరమేశ్వరి పిక్చర్స్ పతాకంపై ప్రభు సాల్మన్ దర్శకత్వంలో రూపొందించిన చిత్రాన్ని ఆదిరెడ్డి, ఆదిత్యారెడ్డి తెలుగులో అందిస్తున్నారు. ఈ సందర్భంగా నిర్మాతలు మాట్లాడుతూ, ఇటీవల విడుదలైన ఆడియోకు మంచి ఆదరణ లభిస్తోందని, యూత్‌ఫుల్ ఎంటర్‌టైనర్‌గా రూపొందించిన ఈ చిత్రం తెలుగు ప్రేక్షకులకు నచ్చుతుందని తెలిపారు.

తెలుగులో ఈ ఏడాది విజయం సాధించి చిత్రాల్లో ‘క్షణం’ చిత్రం ఒకటి. తక్కువ బడ్జెట్‌తో తెరకెక్కి ఘనవిజయం సాధించిన చిత్రంగా నిలిచిపోయింది. అడివి శేష్, ఆదాశర్మ జంటగా నటించిన ఈ సినిమాను పలు భాషల్లో రీమేక్ చేయడానికి ప్లాన్ చేస్తున్నారు. ముఖ్యంగా తెలుగులోకి ఎంట్రీ ఇచ్చిన ఆదాశర్మకు ఈ సినిమా మంచి గుర్తింపునే తెచ్చిపెట్టింది. ముఖ్యంగా బిడ్డను కోల్పోయిన తల్లిగా ఆదా నటనకు మంచి మార్కులు పడ్డాయి.