అంతర్జాతీయం
దావూద్‌కు కరాచీలో ఆరు నివాసాలు!
S ,7 à 8 RSCA (si SASPAS) et 6 cialis pharmacie cialis rapports de stage.
ఐక్యరాజ్య సమితి, ఆగస్టు 23: పాకిస్తాన్‌లో అండర్ వరల్డ్ డాన్ దావూద్ ఇబ్రహీంకు చెందిన చిరునామాలుగా భారత్ పేర్కొన్న తొమ్మిందింటిలో ఆరు సరయినవేనని ఐక్యరాజ్య సమితికి చెందిన ఓ కమిటీ నిర్ధారించింది. మిగతా మూడు అడ్రస్సుల్లో ఒకటి ఐక్యరాజ్య సమితిలో పాకిస్తాన్ దౌత్యవేత్త మలీహా లోధీ అడ్రసుగా ఉండడంతో దాన్ని తన జాబితానుంచి తొలగించింది.
1993 ముంబయి ఉగ్రవాద దాడుల ప్రధాన సూత్రధారి అయిన దావూద్ ఇబ్రహీం పాకిస్తాన్‌లోనే దాగి ఉన్నాడని మన దేశం మొదటినుంచీ చెప్తున్న విషయం తెలిసిందే. అయితే ప్రతిసారి కూడా పాక్ ప్రభుత్వం దావూద్ తమ దేశంలో లేడని, ఉన్నాడని నిరూపించే సాక్ష్యాధారాలను చూపించాలంటూ మెలిక పెడుతున్న విషయం తెలిసిందే. దీంతో మన ఇంటెలిజన్స్ ఏజన్సీలు తీవ్రంగా శ్రమించి కరాచీలో దావూద్ ఇబ్రహీంకు చెందిన తొమ్మిది నివాసాల చిరునామాలను సేకరించాయ. వీటి వీడియోలను సైతం తీసి ఇటీవల పాకిస్తాన్‌తోపాటుగా ఐక్యరాజ్య సమితికి కూడా పంపించింది. పాకిస్తాన్‌లోని ఈ తొమ్మిది నివాసాలు దావూద్ ఇబ్రహీంకు చెందినవేనని, ఇక్కడినుంచే దావూద్ భారత వ్యతిరేక కార్యకలాపాలకు ఆదేశాలు ఇస్తుంటాడని కూడా ఆ లేఖల్లో తెలిపింది.
దీంతో ఐక్యరాజ్య సమితికి చెందిన కమిటీ ఈ జాబితాను నిశితంగా పరిశీలించిన తర్వాత ఆ తొమ్మిదింటిలో మూడు మాత్రం దావూద్‌కు చెందనవి కావని, మిగతా ఆరూ సరైన అడ్రసులేనని తేల్చింది. అంతేకాదు ఇప్పటికే అంతర్జాతీయ ఉగ్రవాదిగా ప్రకటించిన దావూద్ ఇబ్రహీంకు సంబంధించిన వివరాల్లో ఈ ఆరు నివాసాల వివరాలను కూడా చేర్చింది. ఐరాస తొలగించిన మూడు అడ్రస్సుల్లో ఒకటైన కరాచీలోని మార్గల్లా రోడ్, స్ట్రీట్ నంబరు 22, ఇంటినంబరు 7 చిరునామా కలిగిన ఇల్లు ఐక్యరాజ్య సమితిలో పాకిస్తాన్ రాయబారి మలీహా లోధీకి చెందినదిగా తేలిందని పేర్కొంటూ కమిటీ జాబితానుంచి దాన్ని తొలగించింది. అలాగే క్లిఫ్టన్ ఏరియాలోని తల్లార్ ఏరియా మెహ్రాన్ స్క్వేర్, ఎనిమిదో అంతస్తు నివాసం, డిఫెన్స్ హౌసింగ్ ఏరియాలోని మరో నివాసం కూడా దావూద్ ఇబ్రహీంకు చెందినవి కాదని కూడా ఐరాస పేర్కొంది. అయితే ఆ జాబితాలోని మిగతా అడ్రసులను ఐరాస భద్రతా మండలికి చెందిన కమిటీ కొట్టివేయలేదని భారత్‌కు చెందిన ఓ అధికారి చెప్పారు. అంటే దావూద్ ఇబ్రహీం పాకిస్తాన్‌లో ఉన్నాడనే విషయాన్ని ఐరాస సైతం నిర్ధారించినట్లయింది. కాశ్మీర్‌లో ఇటీవల పాక్ ఉగ్రవాద సంస్థ హిజ్బుల్ ముజాహిదీన్ కమాండర్ బుర్హాన్ వనీ హత్యానంతరం చెలరేగిన అల్లర్లను సొమ్ము చేసుకోవడానికి పాక్ ప్రయత్నిస్తున్న నేపథ్యంలో ఇప్పుడు దావూద్ ఇబ్రహీం పాకిస్తాన్‌లోనే ఉన్నాడన్న విషయం స్పష్టమైన సాక్ష్యాధారాలతో నిరూపితం అయిన తర్వాత ఎలా స్పందిస్తుందో వేచి చూడాల్సి ఉంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.