అంతర్జాతీయం
అసలు వాస్తవ అంశాలు ఏమిటి?
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, అక్టోబర్ 26: కాశ్మీర్‌లో శాంతిభద్రతల పరిస్థితికి సంబంధించి భారత్ ప్రభుత్వం చెబుతున్న దానికీ, తమకు అందుతున్న సమాచారానికీ ఏ రకమైన పొంతనా లేదని అమెరికా కాంగ్రెస్ సభ్యులు స్పష్టం చేశారు. ఆ రాష్ట్ర స్థితిగతుల గురించి ప్రపంచానికి తెలియజేసేందుకు విదేశీ పాత్రికేయులకు అనుమతి ఇవ్వాలని కోరుతూ అమెరికాలోని భారత రాయబారి హర్షవర్దన్ ష్రింగ్లాకు ఓ లేఖ రాశారు. కాశ్మీర్‌లో రాజకీయ, ఆర్థిక పరమైన సాధారణ పరిస్థితుల పునరుద్ధరణకు ఓ రోడ్ మ్యాప్ అందించాలంటూ భారత్‌ను అమెరికా కోరిన నేపథ్యంలో కాంగ్రెస్ సభ్యులు ఈ లేఖ రాయడం ప్రాధాన్యత సంతరించుకుంది. కాశ్మీర్ పరిణామాల గురించి పాత్రికేయులు విస్తృతంగా సమాచారాన్ని అందించినప్పటికీ అంతర్జాతీయ జర్నలిస్టులను కూడా అనుమతించాల్సిన అవసరం ఉన్నదని దక్షిణ-మధ్య ఆసియా వ్యవహారాల విదేశాంగ శాఖ సహాయ మంత్రి అలీ సిజ్జీ వెల్స్ స్పష్టం చేశారు. ఆయితే భద్రతాపరమైన ఆంక్షలు అమలులో ఉన్న కారణంగా కాశ్మీర్ సమాచారాన్ని విదేశీ జర్నలిస్టులు వెలుపల ప్రపంచానికి తెలియజేయలేకపోతున్నారని అన్నారు. కాశ్మీర్‌లో పాత్రికేయులు, ఇతర సభ్యులు స్వేచ్ఛగా తిరిగినప్పుడే అక్కడి సమాచారాన్ని ప్రపంచానికి అందించినప్పుడే పరిస్థితులు సాధారణంగా ఉన్నాయన్న వాదనకు బలం చేకూరుతుందని, ఎలాంటి జాప్యం లేకుండా స్వదేశీ, విదేశీ జర్నలిస్టులను కాశ్మీర్‌లోకి అనుమతించాలని కాంగ్రెస్ సభ్యులు భారత రాయబారికి రాసిన లేఖలో పేర్కొన్నారు. 370 అధికారణ రద్దు, మొబైల్-ఇంటర్నెట్ సర్వీసులను పూర్తిస్థాయిలో ఇంకా పునరుద్ధరించకపోవడాన్ని వారు తమ లేఖలో పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.