అంతర్జాతీయం
ఇస్లాం అంటే ఉగ్రవాదం కాదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, సెప్టెంబర్ 26: ఇస్లాం అంటే ఉగ్రవాదం కాదని, ఈ విషయాన్ని ప్రతి ఒక్కరూ గ్రహించాల్సి ఉందని పాకిస్తాన్ ప్రధాన మంత్రి ఇమ్రాన్ ఖాన్ స్పష్టం చేశారు. టర్కీ అధ్యక్షుడు రెసెప్ తయ్యిప్ ఎర్డోగన్‌తో కలిసి ఇక్కడ జరిగిన ఒక కార్యక్రమంలో పాల్గొన్న ఇమ్రాన్ మాట్లాడుతూ, ‘ఉగ్రవాద ఇస్లాం’ అంటూ ప్రత్యేకంగా ఏదీ లేదని వ్యాఖ్యానించారు. తనకు తెలిసినంత వరకూ ఒకే ఇస్లాం ఉందని, తామంతా మహమ్మద్ ప్రవక్తను కొలుస్తామని, ఆయన చూపిన మార్గంలోనే నడుస్తామని అన్నారు. ఇటీవల జరిగిన ‘హౌడీ మోదీ’ కార్యక్రమంలో పాల్గొన్న అమెరికా అధ్యక్షుడు డొనాల్డ్ ట్రంప్ మాట్లాడుతూ ఇస్లామిక్ ఉగ్రవాదానికి తెరదించాల్సిన అవసరం ఉందని పిలుపునిచ్చిన విషయం తెలిసిందే. ఇస్లామిక్ ఉగ్రవాదం యావత్ ప్రపంచానికి పెను ప్రమాదంగా మారిందని ఆయన వ్యాఖ్యానించారు. ట్రంప్ మాటలను ఇమ్రాన్ పరోక్షంగా ప్రస్తావిస్తూ, ఇస్లాంను ఉగ్రవాదంతో జత కట్టడం మంచిది కాదని స్పష్టం చేశారు. ఇలాంటి ఆరోచనను విడనాడాలని అన్నారు. అమెరికాపై 9/11 ఉగ్రవాద దాడులు జరగక ముందు, ఎల్‌టీటీఈ ప్రపంచ వ్యాప్తంగా ఎన్నో దాడులకు పాల్పడిందన్నారు. ఎల్‌టీటీఈకి చెందిన వారంతా హిందువులేనని ఇమ్రాన్ చెప్పారు. అదే విధంగా రెండో ప్రపంచ యుద్ధం కాలంలో జపాన్‌కు చెందిన ఆత్మాహుతి దళాలు దాడులకు తెగబడ్డాయని గుర్తుచేశారు. అటు హిందూ, ఇటు బౌద్ధ మతాలను ఎవరూ ఈ దాడులకు కారణంగా పేర్కోలేదని అన్నారు. కానీ, 9/11 తర్వాత జరిగిన దాడులను ఇస్లామిక్ ఉగ్రవాదంగా పేర్కోవడంలో అర్థం లేదన్నారు. శాంతియుత సహజీవనాన్ని మహమ్మద్ ప్రవక్త బోధించాడని, ఆయన దృష్టిలో అందరూ సమానమేనని ఇమ్రాన్ పేర్కొన్నారు. ప్రపంచంలోని ముస్లింలు అందరూ ఇదే మార్గాన్ని అనుసరిస్తారని అన్నారు. ఇస్లామిక్ ఉగ్రవాదం అనే ఆలోచనా సరళిని మానుకోవాలని హితవు పలికారు. టర్కీ అధ్యక్షుడు ఎర్డోగన్ మాట్లాడుతూ మనుషులంతా ఒకటేనని, మతానికీ, ఉగ్రవాదానికీ సంబంధం లేదని వ్యాఖ్యానించారు. భావ ప్రకటన, మత స్వేచ్ఛను కాపాడాల్సిన అవసరం ఉందని అన్నారు.
*చిత్రం... పాకిస్తాన్ ప్రధాన మంత్రి ఇమ్రాన్ ఖాన్ , టర్కీ అధ్యక్షుడు రెసెప్ తయ్యిప్ ఎర్డోగన్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.