అంతర్జాతీయం
ఇండోనేషియాలో భారీ భూకంపం:20 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
అంబాన్ సిటీ (ఇండోనేషియా), సెప్టెంబర్ 26: ఇండోనేషియాలో సంభవించిన భారీ భూకంపంలో కనీసం 20 మంది మృతి చెందారు. ఆస్తి నష్టం కూడా భారీగానే ఉంటుందని అంటున్నారు. మలుకూ ద్వీపాన్ని గురువారం ఉదయం భూకం పం అతలాకుతలం చేసిందని, రెస్టార్ స్కేల్‌పై దీని తీవ్రత 6.5 మాగ్నిట్యూడ్‌గా నమోదైందని ప్రకృతి వైపరీత్యాల నిర్వాహణ విభాగం చీఫ్ ఆగ్నస్ విబోవో ఒక ప్రకటనలో తెలిపారు. 20 మంది మృతి చెందారని, వివిధ భవనాలు కూలడంతో, శిథిలాల కింద మరి కొంత మంది చిక్కుకొని ఉండవచ్చని అనుమానం వ్యక్తం చేశారు. గాయపడిన సుమారు వంద మందిని ఆసుపత్రికి తరలించామని, రెండు వేల మందిని సురక్షిత ప్రాంతాలకు తరలించామని విబోవో వివరించారు. ఒకవైపు కొండ చరియలు విరిగిపడడం, భవనాలు కుప్పకూలడంతో వేలాది మంది నిరాశ్రయులయ్యారు. సుమారు నాలుగు లక్షల జనాభా ఉన్న ఈ నగరంలో భయానక పరిస్థితులు నెలకొన్నాయి. కూలిన భవనాల శిథిలాలను తొలగించేందుకు అధికారులు నిర్విరామంగా కృషి చేస్తున్నారు. సహాయక బృందాలు పరిస్థితిని పునరుద్ధరించేందుకు ప్రయత్నిస్తున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.