అంతర్జాతీయం
పిఓకేను ఖాళీ చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 25: పాకిస్తాన్‌తో చర్చల విషయంలో భారత్ తన వైఖరిని మరింత స్పష్టమైన వైఖరిని కనబరిచింది. కాశ్మీర్ వివాదంపై చర్చించడానికి ఇస్లామాబాద్‌కు రావలసిందిగా పాకిస్తాన్ చేసిన తాజా ఆహ్వానాన్ని నిర్ద్వంద్వంగా తోసిపుచ్చింది. ఉగ్రవాద సమస్యే తమకు ముఖ్యమైన అంశమని పేర్కొంటూ సీమాంతర ఉగ్రవాదంపై చర్చలకు తాము సిద్ధమని తెగేసి చెప్పింది. జమ్మూకాశ్మీర్ వివాదంపై చర్చించడానికి ఈ నెలాఖరులోగా ఇస్లామాబాద్‌కు రావలసిందిగా కోరుతూ పాకిస్తాన్ విదేశాంగ శాఖ కార్యదర్శి ఐజాజ్ అహ్మద్ చౌదరి ఆగస్టు 19న పంపిన తాజా ఆహ్వానానికి భారత విదేశాంగ శాఖ కార్యదర్శి ఎ.జయశంకర్ బదులిస్తూ పాకిస్తాన్ గడ్డపై వేళ్లూనుకున్న సీమాంతర ఉగ్రవాదంపై చర్చించడానికి తాము సిద్ధమని స్పష్టం చేశారు. జయశంకర్ రాసిన లేఖను ఇండియన్ హైకమిషనర్ గౌతమ్ బంబవాలే బుధవారం చౌదరికి అందజేసినట్లు విదేశాంగ శాఖ వర్గాలు తెలిపాయి. పాకిస్తాన్ ఆక్రమించిన కాశ్మీర్ (పిఒకె)ను ఆ దేశం వీలయినంత త్వరగా ఖాళీ చేయవలసిన అవసరాన్ని జయశంకర్ తన లేఖలో మరోసారి నొక్కిచెప్పినట్లు ఆ వర్గాలు వెల్లడించాయి. చౌదరి ఆగస్టు 19న జయశంకర్‌కు రాసిన లేఖ గత పది రోజుల్లో రెండోది కావడం విశేషం. ఆయన తన మొదటి లేఖను ఆగస్టు 15న రాశారు. జమ్మూకాశ్మీర్‌లో అమాయక ప్రజలకు వ్యతిరేకంగా జరుగుతున్న మానవ హక్కుల ఉల్లంఘనకు వెంటనే స్వస్తి పలకాలని, క్షతగాత్రులకు ఔషధాలు సరఫరా చేయడానికి, తమ దేశానికి చెందిన వైద్యులు, పారామెడికల్ సిబ్బంది జమ్మూకాశ్మీర్‌ను సందర్శించడానికి అనుమతి ఇవ్వాలని కూడా పాకిస్తాన్ తన లేఖలో భారత్‌ను కోరింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.