అంతర్జాతీయం
అమెరికాతో వాణిజ్య ఒప్పందం కోసం చర్యలు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఆగస్టు 7: యూరోపియన్ యూనియన్ నుంచి వైదొలగిన (బ్రెగ్జిట్) అనంతరం అమెరికాతో వాణిజ్య ఒప్పందాన్ని కుదుర్చుకునే ప్రక్రియను వేగవంతం చేయాలని బ్రిటన్ కోరుకుంటోంది. అందువల్ల బ్రిటన్ కొత్త ప్రధానమంత్రి బోరిస్ జాన్సన్ తమ దేశ విదేశాంగ మంత్రిని, విదేశీ వాణిజ్య శాఖ మంత్రిని అమెరికాకు పంపించారు.
బ్రిటన్ విదేశీ వ్యవహారాల శాఖ మంత్రి డోమినిక్ రాబ్ అమెరికా విదేశాంగ శాఖ కార్యాలయంలో అమెరికా విదేశాంగ మంత్రి మైక్ పోంపియోతో చర్చలు జరుపనున్నారు. బ్రిటన్ అంతర్జాతీయ వాణిజ్య శాఖ మంత్రి లిజ్ ట్రస్ అమెరికాకు చెందిన ఉన్నత స్థాయి వాణిజ్య అధికారులతో చర్చలు జరుపనున్నారు. ఒప్పందం కుదిరినా, కుదరకపోయినా బ్రిటన్ అక్టోబర్ 31న యూరోపియన్ యూనియన్ నుంచి వైదొలగుతుందని బ్రిటన్ ప్రధానమంత్రి జాన్సన్ గట్టిగా చెబుతున్నారు. అందువల్ల అమెరికా అధ్యక్షుడు డొనాల్డ్ ట్రంప్ పాలనా యంత్రాంగంతో వాణిజ్య ఒప్పందం కుదుర్చుకోవడానికి బ్రిటన్ ఎంతో ప్రాధాన్యత ఇస్తోంది. జాన్సన్ కూడా తన లాంటి ఆలోచన విధానం గల నేత అని ట్రంప్ భావిస్తున్నారు. బ్రిటన్ యూరోపియన్ యూనియన్ నుంచి వైదొలగిన తరువాత బ్రిటన్, అమెరికాల మధ్య వాణిజ్యం ఎన్నో రెట్లు పెరుగుతుందని ట్రంప్ ఇదివరకే చెప్పారు.
జాన్సన్ గత నెలలో బ్రిటన్ ప్రధానమంత్రిగా బాధ్యతలు స్వీకరించిన తరువాత ట్రంప్ ఆయనతో మాట్లాడుతూ కొన్ని రోజుల్లోనే ఇరు దేశాల మధ్య వాణిజ్య ఒప్పందం కుదురుతుందని చెప్పారు. ‘అమెరికాతో కొత్త స్వేచ్ఛా వాణిజ్య ఒప్పందం కోసం చర్చలు జరపడం, ఒప్పందం కుదుర్చుకోవడం నా ప్రాధాన్యతాంశం’ అని ట్రస్ పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.