అంతర్జాతీయం
విదేశాల్లోనూ వెల్లివిరిసిన దేశభక్తి
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్/వాషింగ్టన్, ఆగస్టు 15: స్వాతంత్య్ర దినోత్సవం సందర్భంగా ప్రపంచమంతటా భారతీయుల్లో దేశభక్తి భావం వెల్లివిరిసింది. జాతీయ పతకావిష్కరణలు, పలు సాంస్కృతిక కార్యక్రమాలతో సోమవారం వారు 70వ స్వాతంత్య్ర దిన వేడుకలను అత్యంత ఘనంగా నిర్వహించుకున్నారు. ప్రపంచంలో ఎక్కడా లేనివిధంగా భారత్‌లోని భిన్నత్వంలో ఏకత్వాన్ని ప్రతిబింబిస్తూ ఈ కార్యక్రమాలు జరిగాయి. స్వదేశంలో స్వాతంత్య్ర దినోత్సవాలను జరుపుకుంటున్న ప్రజలకు తోడుగా పాకిస్తాన్, చైనా, అమెరికా, బ్రిటన్, థాయిలాండ్, సింగపూర్ తదితర అనేక దేశాల్లోని భారతీయులు భిన్నత్వంలో ఏకత్వాన్ని చాటుతూ దేశభక్తి గీతాలాపనలు, వివిధ రకాల సాంస్కృతి, నృత్య ప్రదర్శనలతో హోరెత్తించారు. పాకిస్తాన్ రాజధాని ఇస్లామాబాద్‌లోని భారత హైకమిషన్‌లో స్వాతంత్య్ర దిన వేడుకలు నిరాడంబరంగా జరిగాయి. భారత హైకమిషనర్ గౌతమ్ బంబావాలే ఆధ్వర్యంలో జరిగిన జాతీయ పతాకావిష్కరణ కార్యక్రమంలో హైకమిషన్ సిబ్బందితోపాటు మన దేశం నుంచి వెళ్లిన ముగ్గురు పార్లమెంట్ సభ్యులు దేవ్‌జీ మాన్‌సింగ్రామ్ పటేల్, అలోక్ తివారీ, కలికేశ్ నారాయణ్ సింగ్ దేవ్ పాల్గొన్నారు.
చైనా రాజధాని బీజింగ్‌లోని భారత రాయబార కార్యాలయంలో జరిగిన స్వాతంత్ర దిన వేడుకల్లో అక్కడి భారత రాయబారి విజయ్ గోఖలే త్రివర్ణ పతకాన్ని ఆవిష్కరించి, రాష్టప్రతి ప్రణబ్ ముఖర్జీ పంపిన సందేశాన్ని చదివి వినిపించారు. ఈ సందర్భంగా రాయబార కార్యాలయ ఆవరణలో నిర్వహించిన సాంస్కృతిక కార్యక్రమాలు అందరినీ అలరించాయి. రాయబార కార్యాలయ సిబ్బందితోపాటు చైనాలోని భారతీయులు పెద్దసంఖ్యలో ఈ కార్యక్రమానికి హాజరయ్యారు. అలాగే షాంఘైలోని భారత కాన్సులేట్ జనరల్ కార్యాలయంలో ప్రకాష్ గుప్తా, గాంగ్జూలోని భారత కాన్సులేట్‌లో కాన్సల్ జనరల్ వైకె.సైలాస్ తంగల్ మువ్వనె్నల జెండాలను ఆవిష్కరించారు. అమెరికాలో భారతీయులు అధిక సంఖ్యలో నివసిస్తున్న ఫెర్మాంట్ (కాలిఫోర్నియా), ఎడిసన్, న్యూజెర్సీ, డాలస్, హ్యూస్టన్, చికాగో, ఓర్లాండో, మినె్నపోలిస్ తదితర ప్రాంతాల్లో స్వాతంత్య్ర దిన వేడుకలు ఎంతో కన్నుల పండువగా జరిగాయి. బ్రిటన్‌లో జరిగిన స్వాతంత్య్ర దిన వేడుకల్లో బాలీవుడ్ గాయకుడు రహత్ ఫతే అలీ ఖాన్, అక్కడి భారత మహిళా కళాకారిణుల బృందం తమ ఆట పాటలతో అందరినీ ఎంతగానో అలరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.