అంతర్జాతీయం
నేపాల్‌లో కూలిన హెలికాప్టర్
S ,7 à 8 RSCA (si SASPAS) et 6 cialis pharmacie cialis rapports de stage.
ఖాట్మండు, ఆగస్టు 8: సెంట్రల్ నేపాల్‌లోని అటవీ ప్రాంతంలో సోమవారం ఒక హెలికాప్టర్ కూలిపోవడంతో నవజాత శిశువు సహా అందులో ప్రయాణిస్తున్న మొత్తం ఏడుగురూ దుర్మరణం చెందారు. ఫిష్‌టెయిల్ ఎయిర్ సంస్థకు చెందిన 9ఎన్-ఎకెఎ హెలికాప్టర్ చికిత్స నిమిత్తం తల్లీ, శిశువును ఖాట్మండుకు తీసుకెళ్తుండగా ఈ దుర్ఘటన జరిగింది. మొత్తం ఆరుగురు ప్రయాణికులతో వెళ్తున్న ఈ హెలికాప్టర్ సోమవారం మధ్యాహ్నం గూర్ఖా నుంచి బయలుదేరిన కొద్దిసేపటికే ఎయిర్ ట్రాఫిక్ కంట్రోల్ (ఎటిసి) టవర్‌తో సంబంధాలను కోల్పోయి ఖాట్మండుకు పశ్చిమ దిశగా దాదాపు 150 కిలోమీటర్ల దూరంలోని నువాకోట్ జిల్లా భాటినే దండా ప్రాంతంలో కూలిపోయిందని అధికారులు వివరించారు. ఈ ప్రమాదంలో హెలికాప్టర్ పైలట్ రంజన్ లింబు సహా అందులో ఉన్న ఏడుగురు వ్యక్తులూ మరణించారని నేపాల్ పౌర విమానయాన సంస్థ (సిఎఎఎన్) వెల్లడించింది. ప్రమాద వార్త తెలిసిన వెంటనే నేపాల్ సైనిక బృందంతో పాటు రెస్క్యూ అధికారులు హుటాహుటిన ఘటనా స్థలానికి తరలివెళ్లారని సిఎఎఎన్ అధికార ప్రతినిధి కెసి.దేవేంద్ర తెలిపారు. హెలికాప్టర్ కూలిపోవడానికి కారణమేమిటన్నదీ ఇంకా తెలియలేదని, దీనిపై దర్యాప్తు జరగాల్సి ఉందని ఫిష్‌టెయిల్ ఎయిర్ సంస్థ ఉన్నతాధికారి రమేష్ శివకోటి చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.