అంతర్జాతీయం
కొత్త సర్కారుకు కత్తిమీద సామే
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మే 21: భారతదేశంలో ఈనెల 23న సార్వత్రిక ఎన్నికల ఫలితాల తర్వాత కేంద్రంలో ప్రభుత్వాన్ని ఏర్పాటు చేయబోయే ప్రభుత్వం ముంగిట పెను సవాళ్లు ఎదుర్కోవాల్సి ఉంటుందని అమెరికాలోని పలువురు ప్రముఖ భారత నిపుణులు అభిప్రాయపడుతున్నారు. ముఖ్యంగా కేంద్రంలో అధికారంలోకి వచ్చే కొత్త ప్రభుత్వం విదేశీ పాలసీ నిర్ణయాలు తీసుకోవడంలో కఠిన పరీక్షలను చవిచూడాల్సి ఉంటుందని వారు అంటున్నారు. ‘్భరత్‌లో అధికారంలోకి వచ్చే ఏ ప్రభుత్వమైనా ఆర్థిక వ్యహారాల్లో భాగంగా విదేశీ విధానాల్లో నిర్ణయాలు తీసుకోవడంలో కఠిన పరీక్షలను ఎదుర్కోవాల్సి ఉంటుంది’ అని ఫారిన్ రిలేషన్స్ కౌన్సిల్‌కు చెందిన అలీస్సా ఎయిరెస్ పీటీఐ ప్రతినిధికి తెలిపారు. ‘మా టైమొచ్చింది. ప్రపంచంలో భారత్ తన స్థానాన్ని ఎలా నిలుపుకోగలదో’ అన్న పుస్తక రచయిత కూడా అయిన ఎయిరెస్ గతంలో బరాక్ ఒబామా అమెరికా అధ్యక్షుడిగా ఉన్న కాలంలో తనదైన రీతిలో చాలాకాలంపాటు సేవలు అందించారు. భారత్‌లో ఏర్పడబోయే కొత్త ప్రభుత్వం వల్ల రానున్న రోజుల్లో రక్షణ, భద్రత మెరుగుపడడంతోపాటు ఇరుదేశాల మధ్య వాణిజ్య, ఆర్థికపర అంశాల్లో నెలకొన్న ఉద్రిక్త పరిస్థితులు మరింత పెరిగే అవకాశం ఉందని ఆయన పేర్కొన్నారు. కార్నెజీ ఎండోమెంట్ ఫర్ ఇంటర్నేషనల్ పీస్‌కు చెందిన ఆష్‌లీ టెల్లిస్ ‘ఇబ్బందులు పుష్కలం’ అనే టైటిల్‌తో రాసిన వ్యాసంలో భారత్‌లో వచ్చే కొత్త ప్రభుత్వంతో విదేశీ విధానాలు మరింత కఠినం కానున్నాయని అభిప్రాయపడ్డారు. నరేంద్ర మోదీ కేంద్రంలో మళ్లీ ప్రధాని అయితే, భారత్ ముంగిట ఎన్నో సవాళ్లు ఎదురుకానున్నాయని అభిప్రాయపడ్డారు. కేంద్రంలో అధికారంలోకి వచ్చే ఏ ప్రభుత్వమైనా గత కొంతకాలంగా ఎదుర్కొంటున్న అనేకానేక సమస్యలతోపాటు వ్యవస్థలను మరింత పటిష్టం చేసే దిశగా ముందుకు సాగే దిశగా పయనిస్తే మనుగడ బాగుంటుందని పేర్కొన్నారు. కేంద్రంలో అడుగిడే కొత్త ప్రభుత్వం ఏదైనా విదేశీ ఆర్థిక సంస్కరణలను మరింత బలపడే దిశగా ముందుకు సాగితే రానున్న కాలంలో దేశానికి చాలా మేలు జరుగుతుందని స్కూల్ ఆఫ్ అడ్వాన్స్‌డ్ ఇంటర్నేషనల్ స్టడీస్‌కు చెందిన అసోసియేట్ ప్రొఫెసర్ అభిప్రాయపడ్డారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.