అంతర్జాతీయం
ప్రతీకార దాడులు సహించం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఫిబ్రవరి 19: పుల్వానా ఉగ్రవాద దాడి నేపథ్యంలో భారత్ హద్దుమీరి తమదేశంపై దాడి చేయడానికి ప్రయత్నిస్తే గట్టి జవాబు ఇస్తామని పాకిస్తాన్ ప్రధానమంత్రి ఇమ్రాన్ ఖాన్ పేర్కొన్నారు. పుల్వానా దాడి వెనక పాక్‌ప్రమేయంపై ఆధారాలు ఉంటే చూపించాలని, బాధ్యులపై చర్యలు తీసుకుంటామన్నారు. గత గురువారం పుల్వానాలో ఉగ్రవాది దాడి వెనక పాకిస్తాన్ ప్రమేయం ప్రత్యక్షంగా ఉందని భారత్ చేస్తున్న ప్రచారంలో నిజం లేదన్నారు. సరిహద్దుల్లో శాంతియుత పరిస్థితులు నెలకొనాలని పాకిస్తాన్ కోరుకుంటోందన్నారు. పాకిస్తాన్ ప్రేరేపిత ఉగ్రవాదం వల్లనే పుల్వానా దాడి జరిగిందని ప్రచారం చేయడం వల్ల ఓట్లు వస్తాయన్నారు. భారత్‌లో ఈ ఏడాది ఎన్నికల సంవత్సరమనే విషయాన్ని ఆయన గుర్తు చేశారు. భారత్ చర్చలకు రావాలని ఆయన ఆహ్వానించారు. కాశ్మీర్‌లో ఏమి జరిగినా పాకిస్తాన్‌ను ద్వేషించడం భారత్‌కు అలవాటైందన్నారు. ఆఫ్గన్ అంశంలాగానే కాశ్మీర్ కూడా ఒక సమస్యని చర్చలద్వారానే పరిష్కరించుకోవాలన్నారు. పుల్వానా దాడిలో పాకిస్తాన్ పాత్ర ఉందని నిజంగా రుజువులు చూపిస్తే తప్పనిసరిగా తమ ప్రభుత్వం స్పందిస్తుందని ఆయన చెప్పారు. తమపైన ఎటువంటి వత్తిడి లేదని, కానీ ఆధారాలు చూపిస్తే తమ భూభాగంపైన ఉన్నవారిపై చర్యలు తీసుకుంటామన్నారు. భారత్‌లో రాజకీయనాయకులు, మీడియా కూడా ప్రతీకారంపై మాట్లాడుతున్నారన్నారు. మాపై దాడి జరిగితే సమాధానం చెప్పకుండా ఎలా ఉంటాం అని ఆయన అన్నారు. ‘ యుద్ధం ప్రారంభించడం మన చేతుల్లోనే ఉంటుంది. కాని దాని ముగింపు ఎలా ఉంటుందో ఎవరూ ఊహించలేరు’ అని ఆయన అన్నారు. ఉగ్రవాదం ఏ రూపంలో ఎక్కడ ఉన్నా పాకిస్తాన్ వ్యతిరేకిస్తుందన్నారు. ఉగ్రవాదంపై భారత్‌తో మాట్లాడేందుకు పాకిస్తాన్ సిద్ధంగా ఉందన్నారు. పాకిస్తాన్‌లో కొత్త సమాజం, కొత్త ప్రభుత్వం అధికారంలోకి వచ్చిందని, కొత్త ఆలోచనలతో ఉన్నామని చెప్పారు. ఉగ్రవాదం అనేది నిజంగా పెద్ద సమస్యని, మాట్లాడేందుకు తమ ప్రభుత్వం సిద్ధంగా ఉందన్నారు. ఉగ్రవాదం అన్నిదేశాల ప్రయోజనాలను ధ్వంసం చేస్తుందన్నారు. తమ దేశానికి సౌదనీ రాజు మహమ్మద్ బిన్ సల్మాన్ విచ్చేస్తున్నారని, ఆ ఏర్పాట్లలో తమ దేశం ఉందన్నారు.
తమ దేశంపై అభియోగాలు మోపడం భారత్‌కు అలవాటైందన్నారు. తమ దేశం కూడా 15 ఏళ్లుగా ఉగ్రవాదంపై పోరాడుతోందన్నారు. కాశ్మీరీలు మరణానికి భయపడరని, ఈ ఘటనలు జరుగుతున్నాయంటే కారణమనేది ఉంటుందన్నారు. ఈ విషయమై భారత్‌లో చర్చ జరగదా అని ఆయన ప్రశ్నించారు. కాశ్మీర్ అంశానికి మిలిటరీ చర్య పరిష్కారమని భారత్ భావిస్తోందా అని ఆయన అడిగారు. ఈ తరహా చర్యలు ఫలప్రదం కావన్నారు. ఇప్పటికే రెండు దేశాల మధ్య సంబంధాలు దిగజారాయన్నారు.
చిత్రం.. మీడియాతో మాట్లాడుతున్న పాకిస్తాన్ ప్రధాని ఇమ్రాన్ ఖాన్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.