అంతర్జాతీయం
చర్చలతోనే శాంతి స్థాపన
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఏప్రిల్ 8: భారత్‌తో శాంతి చర్చల ప్రక్రియను నిలిపివేయాలన్న పాకిస్తాన్ నిర్ణయంపై అమెరికా స్పందించింది. ఇరుదేశాల మధ్య నెలకొన్న ఉద్రిక్తతలు సడలిపోవాలంటే ప్రత్యక్ష చర్చలే శరణ్యమని అమెరికా స్పష్టం చేసింది. భారత్, పాక్‌లు పరస్పరం సహకరించుకుంటూ చర్చల ప్రక్రియ ముందుకు తీసుకెళ్లాల్సి ఉందని అమెరికా విదేశాంగ శాఖ ప్రతినిధి మార్క్ టోనెర్ స్పష్టం చేశారు.‘ రెండు దేశాల మధ్య నెలకొన్న ఉద్రిక్తతలు తగ్గించుకోడానికి చర్చల ప్రక్రియ దోహదపడుతుందని మా విశ్వాసం. దీనికి ఇరుదేశాల ప్రభుత్వాలు ప్రయత్నించాలన్నదే మా భావన’అని శుక్రవారం ఆయన వ్యాఖ్యానించారు. శాంతి, సుస్థిరత కోసం జరిగే సంప్రదింపులు, చర్చలకు అమెరికా సంపూర్ణ మద్దతు ఇస్తుందని ఆయన ప్రకటించారు. భారత్‌తో శాంతి చర్యలను నిలిపివేస్తున్నట్టు పాక్ హైకమిషనర్ అబ్దుల్ బాసిత్ చేసిన ప్రకటనపై మార్క్ మాట్లాడుతూ కాశ్మీర్ విషయంలో అమెరికా వైఖరి మారదని స్పష్టం చేశారు.
శాంతియుత వాతావరణాన్ని నెలకొల్పడం అన్నది ఇరుదేశాల చర్చలపైనే ఆధారపడి ఉంటుందని ఆయన అన్నారు. భారత్, పాక్ మధ్య సత్సంబంధాలకు విఘాతం కలగకూడదన్నదే తమ ఆకాంక్ష అని ఆయన పేర్కొన్నారు. ఈ దిశగా ఇరుదేశాలు చేసే ప్రయత్నాలకు అమెరికా మద్దతు ఉంటుందని ఉద్ఘాటించారు. గూఢచర్యం ఆరోపణలపై పాక్ కస్టడీలో ఉన్న భారత మాజీ నావీ అధికారి కుల్‌భూషణ్ జాదవ్ అంశంపై మాట్లాడ్డానికి మార్క్ నిరాకరించారు.‘అరెస్టయిన విషయం తెలిసింది. అయితే అందుకు దారితీసిన పరిస్థితులు నాకు తెలియదు’ అని ప్రతినిధి స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.