అంతర్జాతీయం
అవును.. నిజమే!
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, ఏప్రిల్ 8: ప్రపంచ నేతల్ని హడలెత్తిస్తున్న పనామా అక్రమ కంపెనీల జాబితా ఇప్పుడు బ్రిటన్ ప్రధాని డేవిడ్ కామెరూన్ మెడకు చుట్టుకుంటోంది. ఓ విదేశీ కంపెనీలో వాటా ద్వారా తాను లబ్ధి పొందిన మాట నిజమేనంటూ కామెరూన్ తాజాగా అంగీకరించడంతో ఆయనపై అన్ని వైపుల నుంచి వత్తిడి మొదలైంది. ఆర్థిక అనైతికతకు పాల్పడ్డారంటూ వస్తున్న ఆరోపణలు బ్రిటన్ ప్రధానిగా ఆయన కొనసాగడాన్ని ప్రశ్నార్థకంగా మారుస్తున్నాయి. ఐస్‌లాండ్ ప్రధాని సిగ్ముందర్ తరహాలో కామెరూన్ రాజీనామా చేస్తారా లేదా అన్నది ఇప్పటికిప్పుడే స్పష్టం కాకపోయినా ఐరోపా యూనియన్‌లో బ్రిటన్ కొనసాగడంపై వస్తున్న వత్తిళ్ల నేపథ్యంలో ఈ పరిణామం ఆయనకు కెరీర్ పరంగా ఇబ్బందికరమేనని చెబుతున్నారు. ఐరోపా యూనియన్ నుంచి వైదొలగాలని బ్రిటన్ ప్రజలు ఓటేస్తే మాత్రం కామెరూన్ పనైపోయినట్టేనని విశే్లషకులు భావిస్తున్నారు. పనామాలోని మొసాక్ ఫోనె్సకా న్యాయ సంస్థ నుంచి అయిదు రోజుల క్రితం మిలియన్ల కొద్దీ విడుదలైన డాక్యుమెంట్లలో కామెరూన్ పేరు ప్రముఖంగా రావటంతో నిజమేంటో తెలియాలంటూ ఆయనపై తీవ్రస్థాయిలో ఒత్తిళ్లు వస్తున్న సంగతి తెలిసిందే. పనామాలో తన తండ్రి స్థాపించిన కంపెనీలో వాటాలు ఉన్న మాట వాస్తవమేనని, అయితే తాను దేశ ప్రధాని పదవి చేపట్టడానికి ఆరుమాసాల ముందు అందులోని వాటాలను అమ్మివేసినట్లు కామెరూన్ శుక్రవారం ఓ టెలివిజన్ ఇంటర్వ్యూలో అంగీకరించారు. ‘మా నాన్న స్టాక్ బ్రోకర్ కావటం వల్ల సహజంగానే నాకు గతంలో స్టాక్‌లు, షేర్లు ఉండేవి. పనామాలోని బ్లెయిర్ మోర్ హోల్డింగ్స్ కంపెనీలో ఉన్న 5వేల షేర్లను ప్రధాని కావటానికి ఆరు మాసాల ముందు 31,500 పౌండ్లకు అమ్మివేసాను’ అని కామెరూన్ వివరించారు. ప్రస్తుతం తనకు ఏ కంపెనీలోనూ ఎలాంటి షేర్లు లేవని.. భవిష్యత్తులోనూ ఏ కుటుంబ ట్రస్టు ద్వారా కూడా తాను లబ్ధి పొందదలచుకోలేదని స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.