అంతర్జాతీయం
తైపీ ఆసుపత్రిలోనే నేతాజీ మృతి?
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, ఫిబ్రవరి 8: భారత స్వాతంత్ర సంగ్రామంలో కీలక పాత్ర పోషించిన నేతాజీ సుభాష్ చంద్రబోస్ 1945 ఆగస్టు 18వ తేదీన విమాన ప్రమాదంలో చిక్కుకున్న తర్వాత తైపీలోని ఆసుపత్రిలోనే కన్నుమూశారని ఆయన సహచరుడైన కజునోరి కునిజుకా అనే జపనీయుడు ధ్రువీకరించినట్లు ‘బోస్‌ఫైల్స్.ఇన్ఫో’ వెబ్‌సైట్ స్పష్టం చేసింది. నేతాజీ ముని మేనల్లుడైన ఆశిష్ రే బ్రిటన్‌లో ఈ వెబ్‌సైట్‌ను ఏర్పాటుచేసి సుభాష్ చంద్రబోస్ జీవిత చరమాంక వివరాలను సంకలనం చేస్తున్న విషయం తెలిసిందే. 1943 నుంచి 1945 వరకు నేతాజీ సహచరుడిగా పనిచేసిన కజునోరి కునిజుకా ఇప్పటికీ సజీవంగానే ఉన్నారని, నేతాజీ చివరి రోజులకు సంబంధించిన గ్రాఫిక్ వివరాలను, అలాగే 1945 ఆగస్టు 18వ తేదీన తైపీలో విమాన ప్రమాదం జరగడంతో సుభాష్ చంద్రబోస్ మరణించిన విషయాన్ని కునిజుకా తన డైరీలో పొందుపర్చారని ఈ వెబ్‌సైట్ పేర్కొంది. ‘సాంకీ షింబున్’ వార్తాపత్రికకు చెందిన లండన్ విలేఖరి నొబురు ఒకాబే ఈ డైరీ ప్రతిని తమకు అందజేసినట్లు ‘బోస్‌ఫైల్స్.ఇన్ఫో’ వెల్లడించింది. ప్రస్తుతం 98 ఏళ్ల వయసులో ఉన్న కనిజుకా జపాన్‌లోని కోబ్‌లో నివసిస్తున్నారని, తాను కనిజుకాను కలవడంతో, విమాన ప్రమాదం తర్వాత తైపీలోని సైనిక ఆసుపత్రిలో నేతాజీ మృతిచెందినట్లు ఈ డైరీ ద్వారా ధ్రువీకరించారని ఒకాబే తెలిపారు. కాగా, ఈ డైరీలోని అంశాలు జపాన్ భాషలో ఉన్నాయని, త్వరలోనే వీటిని తర్జుమా చేయించి నేతాజీ మృతికి సంబంధించిన అంశాలను తమ వెబ్‌సైట్‌లో పోస్టు చేస్తామని ఆశిష్ రే పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.