అంతర్జాతీయం
పాక్‌ను కవ్వించడమే
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూన్ 14: అణు సరఫరా దేశాల కూటమి (ఎన్‌ఎస్‌జి)లో భారత్‌కు సభ్యత్వం ఇవ్వడంవల్ల తమ ప్రయోజనాలు తీవ్రంగా దెబ్బతింటాయని చైనా ఆగ్రహం వ్యక్తం చేస్తోంది. అంతేకాకుండా దీనివల్ల పాకిస్తాన్‌ను కూడా రెచ్చగొట్టినట్టు అవుతుందని స్పష్టం చేసింది. ఎన్‌ఎస్‌జి సభ్యత్వం భారత్‌కు రాకుండా చైనా చేస్తున్న వ్యతిరేక ప్రచారాన్ని భారత్ అధికారులు పెద్దగా పట్టించుకోనప్పటికీ ఇటీవల కాలంలో ‘డ్రాగన్’ వ్యాఖ్యల తీవ్రత మరింత పెరిగింది. చాలా బహిరంగంగానే భారత్ సభ్యత్వ ప్రతిపాదనను ప్రతిఘటిస్తునే ఉంది. ముఖ్యంగా భారత్‌కు సభ్యత్వాన్ని కల్పించే విషయంలో ఎన్‌ఎస్‌జి నిలువునా చీలిపోయిందని, ముఖ్యంగా అణువ్యాప్తి నిరోధక ఒప్పందంపై సంతకం చేయని దేశాల విషయంలో ఈ వ్యతిరేకత చాలా స్పష్టంగానే కనిపిస్తోందని చైనా అధికారులు తెలిపారు. మంగళవాంనాడు మరింతగా రెచ్చిపోయిన చైనా ‘అణు లక్ష్యాలను సాధించడానికి కళ్లు మూసుకుపోయి వ్యవహరించకండి’ అని స్పష్టం చేసింది. ఎలాగైనా సరే ఎన్‌ఎస్‌జిలో సభ్యత్వం సాధించాలన్న పట్టుదల మంచిదికాదన్న సంకేతాన్ని అందించింది. ఈ నెల 24న సియోల్‌లో ఎన్‌ఎస్‌జి ప్లీనరీ సమావేశం జరుగనున్న దృష్ట్యా భారత్ తన సభ్యత్వ ప్రయత్నాలను ముమ్మరం చేసింది. ఇటీవల అమెరికాసహా పలుదేశాల్లో పర్యటించిన ప్రధాని మోదీ అన్నింటి మద్దతునూ కొడగట్టుకునేందుకు గట్టి ప్రయత్నమే చేశారు. దాని ఫలితంగానే అమెరికాతోపాటు ఇప్పటికే ఎన్‌ఎస్‌జిలో సభ్యత్వం ఉన్న దేశాలు భారత్‌కు మద్దతు పలికాయి. అయితే చైనాసహా పలు దేశాల నుంచి వస్తున్న వ్యతిరేకత భారత్‌కు ఇబ్బందికరంగా మారింది. ఇదే విషయాన్ని చైనా అధికార పత్రిక గ్లోబల్ టైమ్స్ ప్రస్తావించింది. ఎన్‌ఎస్‌జి అన్నది ఏకాభిప్రాయ ప్రాతిపదికగా పనిచేస్తుందని, ఇందులో ఏ ఒక్క దేశం వ్యతిరేకించినా కొత్త దేశానికి సభ్యత్వం రాదని తెలిపింది. అంతేకాకుండా అణు బలం కలిగిన భారత్, పాకిస్తాన్ ఎప్పటికప్పుడు పైచేయి సాధించేందుకే ప్రయత్నిస్తున్నాయని తెలిపింది. ఇలాంటి సమయంలో భారత్‌కు ఎన్‌ఎస్‌జిలో సభ్యత్వం కల్పించడం పాక్‌ను రెచ్చగొట్టడమేనని కూడా వ్యాఖ్యానించింది. ఇలాంటి పరిస్థితుల్లో ఈ రెండు దేశాల మధ్య అణు పోటీ ప్రబలమయ్యే అవకాశం ఉందని తెలిపింది. వాస్తవాలను విస్మరించి అణు లక్ష్యాలను సాధించుకోవాలన్న పట్టుదలను విడనాడాలని భారత్‌కు సూచించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.