ఇళయరాజాకు నిషాగాంధీ పురస్కారం
S ,7 à 8 RSCA (si SASPAS) et 6 cialis pharmacie cialis rapports de stage.
![](http://ftp.andhrabhoomi.net/sites/default/files/styles/large/public/field/image/2ilayaraja.jpg?itok=DC1yxySb)
దక్షిణాదిన అనేక చిత్రాలకు సంగీత దర్శకత్వం వహించిన ఇసైజ్ఞాని, మేస్ట్రో ఇళయరాజాకు కేరళ ప్రభుత్వం ప్రతిష్ఠాత్మక ‘నిషాగాంధి’ పురస్కారాన్ని ప్రదానం చేయనుంది. వేలాది పాటలకు బాణీలు కట్టి, వందల సంఖ్యలో చిత్రాలకు నేపథ్య సంగీతాన్ని అందించి, లక్షలాదిమంది మనసు రంజింపచేసిన ఆయనకు ఈ అవార్డు ఇవ్వనున్నట్లు ప్రభుత్వం శుక్రవారం ప్రకటించింది. భారతీయ సినిమాకు ఇళయరాజా చేసిన అద్భుతమైన సేవలకుగాను ఈ పురస్కారాన్ని ఆయనకు అందజేస్తున్నట్లుగా కేరళ పర్యాటక శాఖా మంత్రి ఎ.పి.అనిల్కుమార్ ప్రకటించారు. ఈ నెల 20న జరగనున్న కేరళ కార్యక్రమంలో కేరళ సి.ఎం. ఊమెన్చాందీ ఈ పురస్కారాన్ని మేస్ట్రో ఇళయరాజాకు అందజేయనున్నారు. కేరళ విశ్వవిద్యాలయ ఉపకులపతి కె.జయకుమార్, సీనియర్ జర్నలిస్టు గౌరీ దాసన్ నాయర్, కేరళ పర్యాటక శాఖ కార్యదర్శి కమల వర్థనరావు, పర్యాటక శాఖ డైరెక్టర్ షేక్ షరీఫ్తోకూడిన బృందం ఈ పురస్కారానికి ఇళయరాజాను ఎంపిక చేయడం విశేషం. ఈ సందర్భంగా అవార్డు గ్రహీత ఇళయరాజా మాట్లాడుతూ, ఈ అవార్డు సంగీతానికి జరుగుతున్న గౌరవంగా తాను భావిస్తున్నానని, తన సంగీతంతో ఇంతమంది అభిమానులను సంపాదించుకున్నందుకు ఆనందిస్తున్నానని తెలిపారు. ఈనెల 20న కేరళలో జరగనున్న ఈ ఉత్సవానికి తమిళ చిత్ర పరిశ్రమలో పలువురు హాజరుకానున్నారు.