బిజినెస్
అంతర్జాతీయంగానూ ఇదే పరిస్థితి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 27: భారత్‌కు మాత్రమే కరోనా వైరస్ ప్రభావం పరిమితం కాలేదు. అంతర్జాతీయ స్టాక్ మార్కెట్ల సూచీలు కూడా పతనమవుతున్నాయి. గత మూడు రోజుల సూచీలను పరిశీలిస్తే, భారత్‌లో సెనె్సక్స్ వరుసగా 1.96 శాతం, 0.20 శాతం, 0.97 శాతం నష్టపోయింది. జపాన్ మార్కెట్ నిక్కీకి సోమవారం సెలువు దినంకాగా, ఆతర్వాతి రెండు రోజుల్లో 3.3 శాతం, 0.78 శాతం చొప్పున నష్టాలను చవిచూసింది. హాంగ్‌సెంగ్ (హాంకాంగ్ మార్కెట్) సోమవారం 0.9 శాతం నష్టాలను ఎదుర్కొంది. మంగళవారం కొంత మెరుగుపడి 0.27 శాతం లాభాల్లో ముగించినప్పటికీ, బుధవారం తరిగి నష్టాల్లోకి జారుకుంది. 0.73 శాతం పతనంతో ముగిసింది. షాంఘై (చైనా) మార్కెట్ వరుసగా 1.5 శాతం, 0.60 శాతం, 0.83 శాతం చొప్పున నష్టాలను చవిచూసింది. అయితే, హాంసెంగ్ మాదిరిగానే కోస్పీ (దక్షిణాఫ్రికా) మార్కెట్ మొదటి రోజు నష్టాలను (3.1 శాతం) చవిచూసినప్పటికీ, రెండో రోజైన మంగళవారం (1.18 శాతం) లాభాల్లో నడిచింది. బుధవారం మళ్లీ నష్టాల్లోకి (1.28 శాతం) జారుకుంది. ఎఫ్‌టీఎస్‌ఈ (బ్రిటన్) మార్కెట్ వరుసగా 0.99 శాతం, 0.76 శాతం చొప్పున నష్టపోయినప్పటికీ, బుధవారం 0.35 శాతం లాభాలను ఆర్జించింది. డాక్స్ (జర్మనీ) మార్కెట్ వరుసగా 0.61 శాతం, 1.09 శాతం, 0.12 శాతం చొప్పున నష్టాలను చవిచూసింది. డోజోన్స్ (అమెరికా మార్కెట్) మొదటి రెండు రోజుల్లో వరుసగా 3.56 శాతం, 2.77 శాతం నష్టాల్లో ట్రేడ్‌కాగా, బుధవారం 0.53 శాతం లాభాలను ఆర్జించాయి.
కాగా, గురువారం దాదాపు అన్ని మార్కెట్లు నష్టాల్లోనే ముగిశాయి. అధికారిక గణాంకాలు వెలువడాల్సి ఉంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.