బిజినెస్
తొలి త్రైమాసికంలో మిగులుకు కరెంట్‌ఖాతా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 18: ఈ ఆర్థిక సంవత్సరం తొలి త్రైమాసికంలో దేశ కరెంట్ ఖాతా మిగులులో ఉండవచ్చని ప్రముఖ అంతర్జాతీయ ఆర్థిక సేవల సంస్థ సిటీ గ్రూపు అభిప్రాయ పడింది. వాణిజ్య లోటు దిగువ స్థాయిలో స్థిరపడుతోందని, ఆగస్టు నెల వాణిజ్య లోటును కూడా కలిపి చూసినట్లయితే కరెంట్ ఖాతా విషయంలో స్థూలంగా సమతుల్యతతో ఉండే అవకాశం ఉందని ఆ సంస్థ అభిప్రాయ పడింది. జనవరి-మార్చి త్రైమాసికంలో కరెంట్ ఖాతా లోటు 0.4 బిలియన్ డాలర్లు లేదా జిడిపిలో మైనస్ 0.1 శాతం ఉన్న దృష్ట్యా చూసినట్లయితే ఏప్రిల్- జూన్ త్రైమాసికంలో కరెంట్ కాతా 2 బిలియన్ డాలర్ల మిగులు లేదా జిడిపిలో 0.4 శాతంగా ఉండవచ్చని సిటీ గ్రూపు ఒక పరిశోధనా పత్రంలో పేర్కొంది. మన దేశ వాణిజ్య లోటు ఆగస్టు నెలలో 7.7 బిలియన్ డాలర్లుగా ఉంది. అంతేకాదు గత మూడు నెలలుగా ఎలాంటి మార్పూ లేకుండా కూడా ఉంది. అన్నిటికన్నా ముఖ్యమైన విషయమేమిటంటే గత ఆర్థిక సంవత్సరం సగటు నెలవారీ వాణిజ్య లోటయిన 9.9 బిలియన్ డాలర్లకన్నా కూడా తక్కువగా ఉంది. గత ఏడాదితో పోలిస్తే ఈ ఏడాది ఆగస్టులో దిగుమతులు 14 వాతం తగ్గి 29.2 బిలియన్ డాలర్లకు చేరుకోగా, ఎగుమతులు కేవలం 0.3 శాతం మాత్రమే తగ్గి 21.5 బిలియన్ డాలర్లుగా ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.