బిజినెస్
జిఎస్‌టిఎన్‌ని రద్దు చేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 11: వస్తు సేవల పన్ను (జిఎస్‌టి) లెక్కలు వసూళ్ల నిర్వహణకోసం యుపిఏ ప్రభుత్వ హయాంలో ఏర్పాటు చేసిన సంస్థలో ప్రైవేటు సంస్థలకు మెజారిటీ వాటా ఉండడం పట్ల బిజెపి ఎంపి సుబ్రహ్మణ్యం స్వామి తీవ్ర అభ్యంతరం వ్యక్తం చేస్తూ ఆ సంస్థ స్థానంలో పూర్తిగా ప్రభుత్వ అధీనంలో ఉండే వ్యవస్థను ఏర్పాటు చేయాలని ప్రధాని నరేంద్ర మోదీని కోరారు. గూడ్స్, సర్వీసెస్ టాక్స్ నెట్‌వర్క్ (జిఎస్‌టిఎన్)ను లోతుగా పరిశీలించాలని ప్రధాని మోదీకి రాసిన లేఖలో స్వామి కోరారు. సెక్యూరిటీ క్లియరెన్స్ లేకుండా అత్యంత సున్నితమైన సమాచారాన్ని చూడడానికి ఒక ప్రైవేటు సంస్థను ఎలా అనుమతిస్తారని కూడా ఆయన ప్రశ్నించారు. జిఎస్‌టిఎన్ కంపెనీలో యాజమాన్య వాటాల వివరాలను ఆయన వివరిస్తూ, కేంద్ర రాష్ట్ర ప్రభుత్వాలు రెండింటికీ కలిపి దానిలో 49 శాతం వాటానే ఉందని, మిగతా 51 శాతం వాటాలు విదేశీ వాటా భాగస్వామ్యం కలిగిన హెచ్‌డిఎఫ్‌సి బ్యాంక్, ఐసిఐసిఐ బ్యాంక్, ఎల్‌ఐసి హౌసింగ్ ఫైనాన్స్ లిమిటెడ్ లాంటి సంస్థలకున్నాయని తెలిపారు. జిఎస్‌టిఎన్‌ఎల్ ప్రాథమిక కసరత్తు కోసమే ఇప్పటివరకు ఖర్చులు, ఫీజులకోసం 4 వేల కోట్ల రూపాయలకు పైగా ఖర్చయిందని ఆయన అంటూ లాభాపేక్ష లేని కంపెనీలో లాభాపేక్ష కలిగిన ప్రైవేటు కంపెనీలకు వాటా అది కూడా మెజారిటీ వాటా ఉండడానికి ఎలా అనుమతిస్తారని ప్రశ్నించారు. జిఎస్‌టి వసూలులో ముఖ్యపాత్ర డాటా సేకరించే వారిదేనని, అది కేంద్ర, రాష్ట్ర ప్రభుత్వాల చేతుల్లోనే ఉండాలని, ఎలక్ట్రానిక్స్ డిపార్ట్‌మెంట్ ద్వారా ప్రభుత్వమే ఈ పనిచేయవచ్చని స్వామి తన లేఖలో వివరించారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.