బిజినెస్
వరుస లాభాల్లో స్టాక్ మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, అక్టోబర్ 4: దేశీయ స్టాక్ మార్కెట్లు మంగళవారం లాభాల్లో ముగిశాయి. గత రెండు రోజుల లాభాలను కొనసాగిస్తూ మూడోరోజూ పెరిగాయి. రిజర్వ్ బ్యాంక్ ఆఫ్ ఇండియా (ఆర్‌బిఐ) కీలక వడ్డీరేట్ల తగ్గింపు మధ్య మదుపరులు కొనుగోళ్లకు ఆసక్తి కనబరిచారు. బ్యాంకింగ్, రియల్టీ, ఆటో రంగాల షేర్లు ఆకట్టుకున్నాయి. ఈ క్రమంలోనే బాంబే స్టాక్ ఎక్స్‌చేంజ్ సూచీ సెనె్సక్స్ 91.26 పాయింట్లు పుంజుకుని 28,334.55 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 31.05 పాయింట్లు పెరిగి 8,769.15 వద్ద నిలిచింది. ఆసియా మార్కెట్లలో హాంకాంగ్, జపాన్ లాభపడగా, చైనా మార్కెట్‌కు సెలవు.
స్మార్ట్ఫోన్ ద్వారా ఓలా క్యాబ్ బుకింగ్
ఆంధ్రభూమి బ్యూరో
హైదరాబాద్, అక్టోబర్ 4: నిరంతరం మొబిలిటీ అవసరాలను తీర్చేందుకు అత్యంత ప్రాచుర్యం పొందిన రవాణా మొబైల్ యాప్ ఓలా సంస్థ ఓలా ఆఫ్ లైన్ సేవలను ప్రారంభించింది. వినియోగదారులు ఇంటర్నెట్ కనెక్షన్ లేకున్నా తమ స్మార్ట్ఫోన్‌ల ద్వారా ఓలా యాప్‌పై క్యాబ్ బుక్ చేసుకోవచ్చునని ఆ సంస్థ సిటీవో కో ఫౌండర్ అంకిత్ భాతి తెలిపారు. ఓలా ఈ ఫీచర్‌ను పైలెట్ ప్రాజెక్టుగా చిన్న నగరాల్లో ఈ జూన్‌లో ప్రారంభించింది.
యప్ టీవీ బ్రాండ్ అంబాసిడర్‌గా మహేష్‌బాబు
ఆంధ్రభూమి బ్యూరో
హైదరాబాద్, అక్టోబర్ 4: దక్షిణాసియా కంటెంట్‌ను కలిగిన ప్రపంచపు అతిపెద్ద ఆన్‌లైన్ స్ట్రీమింగ్ వేదిక యప్ టీవీ తమ బ్రాండ్ అంబాసిడర్‌గా మహేష్ బాబును ప్రకటించింది. ఈ సందర్భంగా జరిగిన కార్యక్రమంలో మహేష్ బాబు మాట్లాడుతూ ఎంటర్‌టైన్‌మెంట్ చానల్‌లో తన తొలి ప్రాధాన్యత యప్ టివి అని చెప్పారు. ప్రపంచం నలుమూలల నుంచి చూడాలనుకునేవారికి ఈ టీవీ చేరువైందన్నారు. యప్‌టివి సిఇఒ ఉదయ్ రెడ్డి మాట్లాడుతూ తమ బ్రాండ్‌ను విస్తరించేందుకు మహేష్ బాబు ఉపయోగపడుతారని చెప్పారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.