బిజినెస్
జోరుగా ఆన్‌లైన్ అమ్మకాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 2: ఈ పండగ సీజన్‌లో ఆన్‌లైన్ అమ్మకాలు జోరుగా సాగుతున్నాయి. ఈ-కామర్స్ దిగ్గజాలు స్నాప్‌డీల్, ఫ్లిప్‌కార్ట్, అమెజాన్ అందిస్తున్న ఆఫర్లు కొనుగోలుదారులను విపరీతంగా ఆకట్టుకుంటున్నాయి. స్నాప్‌డీల్, ఫ్లిప్‌కార్ట్ సంస్థలు తమ ఐదు రోజుల డిస్కౌంట్ సేల్స్‌కు విశేష స్పందన లభిస్తోందని ఆదివారం ప్రకటించాయి. ఇబ్బందులు ఎదురవుతున్నప్పటికీ వినియోగదారులు కొనుగోళ్లకు ఆసక్తి కనబరుస్తున్నారని తెలిపాయి. లక్షలాది లావాదేవీలు జరిగాయని పేర్కొన్నాయి. అమెజాన్ సైతం సాధారణ వ్యాపారానికి ఆరు రెట్లు అధికంగా ఈ ఐదు రోజుల స్పెషల్ సేల్‌లో స్పందనను చవిచూసినట్లు చెప్పింది. తొలిరోజు మొదటి 30 నిమిషాల్లోనే లక్ష ఉత్పత్తులను అమ్మేశామని, 12 గంటల్లో 15 లక్షల యూనిట్ల విక్రయాలు జరిగాయంది. స్నాప్‌డీల్ కూడా తొలి 16 గంటల్లో దేశవ్యాప్తంగా 2,800 నగరాలు, పట్టణాల్లో దాదాపు 11 లక్షల మంది కొనుగోలుదారులు ఉత్పత్తుల కోసం నమోదు చేసుకున్నట్లు వివరించింది. ఇక తొలిరోజు తొలి గంటలో 5 లక్షల ఉత్పత్తులను అమ్మినట్లు ఫ్లిప్‌కార్ట్ తెలిపింది. 2015లో నిర్వహించిన బిగ్ బిలియన్ డేస్ తొలిరోజు నమోదైన అమ్మకాల కంటే ఈసారి తొలిరోజు తొలి ఆరు గంటల్లో జరిగిన అమ్మకాలు అధికమని స్పష్టం చేసింది. ముఖ్యంగా ఎలక్ట్రానిక్స్, గాడ్జెట్స్ విభాగంలో యాపిల్ వాచీలకు విపరీతమైన డిమాండ్ కనిపించిందని, తొలి పది నిమిషాల్లో భారీ అమ్మకాలు జరిగాయంది. నెల రోజుల్లో ఆన్‌లైన్, ఆఫ్‌లైన్ అమ్మకాలతో పోల్చితే ఇది చాలా ఎక్కువని చెప్పింది. ఈ నెల 1 నుంచి ఈ ఐదు రోజుల డిస్కౌంట్, స్పెషల్ సేల్ కార్యక్రమానికి ఈ-కామర్స్ సంస్థలు శ్రీకారం చుట్టినది తెలిసిందే. అయతే తీవ్ర పోటీ మధ్య ఫ్లిప్‌కార్ట్, అమెజాన్ చెల్లింపుల్లో అధికంగా ఇబ్బందులు ఎదురయ్యాయని పలువురు నెటిజన్లు ట్విట్టర్‌లో పేర్కొన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.