బిజినెస్
హెచ్‌డిఎఫ్‌సి ఎర్గో చేతికి ఎల్‌అండ్‌టి జనరల్ ఇన్సూరెన్స్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 3: హౌజింగ్ ఫైనాన్స్ దిగ్గజం హెచ్‌డిఎఫ్‌సికి చెందిన జీవిత బీమాయేతర సంస్థ హెచ్‌డిఎఫ్‌సి ఎర్గో.. ఎల్‌అండ్‌టి జనరల్ ఇన్సూరెన్స్‌ను సొంతం చేసుకుంటోంది. మొత్తం నగదు లావాదేవీల్లో జరిగే ఈ కొనుగోలులో 551 కోట్ల రూపాయలకు ఎల్‌అండ్‌టి జనరల్ ఇన్సూరెన్స్.. హెచ్‌డిఎఫ్‌సి ఎర్గో హస్తగతమవనుంది. ‘బీమా వ్యాపారంలో ఉన్న ప్రాముఖ్యత దృష్ట్యా ఈ రంగంలో ఏకీకరణలు అనివార్యం. ఈ లావాదేవీ ఇందుకు ఆరంభం.’ అని హెచ్‌డిఎఫ్‌సి చైర్మన్ దీపక్ పరేఖ్ ఓ ప్రకటనలో తెలిపారు. సంస్థ బోర్డు ఈ కొనుగోలుకు అంగీకరించిందని కూడా చెప్పారు. అంతేగాక హెచ్‌డిఎఫ్‌సి ఎర్గోతో ఎల్‌అండ్‌టి జనరల్ ఇన్సూరెన్స్ కలయిక.. పాలసీ హోల్డర్లకు, ఇతర భాగస్వాములకు లాభిస్తుందని అన్నారు. ఎల్‌అండ్‌టి జనరల్ కొనుగోలు మార్కెట్‌లో హెచ్‌డిఎఫ్‌సి ఎర్గో స్థానాన్నీ పెంచుతుందన్న ధీమాను వెలిబుచ్చారు. కాగా, హెచ్‌డిఎఫ్‌సి ఎర్గోకు 108 కార్యాలయాలుండగా, స్థూలంగా 3,467 కోట్ల రూపాయల ప్రీమియంను కలిగి ఉంది. ఇది 151 కోట్ల రూపాయల లాభాన్ని ఇటీవల ప్రకటించింది. హెచ్‌డిఎఫ్‌సి, ఎర్గో ఇంటర్నేషనల్ సంస్థలు 51:49 శాతం నిష్పత్తితో హెచ్‌డిఎఫ్‌సి ఎర్గోను ఏర్పాటు చేశాయి. దేశీయంగా ఇప్పుడిది ప్రైవేట్‌రంగ జనరల్ ఇన్సూరెన్స్ సంస్థల్లో నాలుగో అతిపెద్ద సంస్థ. ఇకపోతే ఇంజినీరింగ్ దిగ్గజం లార్సెన్ అండ్ టర్బో అనుబంధ సంస్థ అయిన ఎల్‌అండ్‌టి జనరల్ ఇన్సూరెన్స్.. నిరుడుతో పోల్చితే 40 శాతం వృద్ధిని నమోదు చేస్తూ స్థూలంగా 483 కోట్ల రూపాయల ప్రీమియంను వసూలు చేసింది. 800 మంది ఉద్యోగులున్న ఈ సంస్థకు 28 కార్యాలయాలున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.