బిజినెస్
37 శాతం పెరిగిన ఎఫ్‌డిఐ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 17: దేశంలోకి విదేశీ ప్రత్యక్ష పెట్టుబడులు (ఎఫ్‌డిఐ) గత ఏడాది 37 శాతం పెరిగి 39.32 బిలియన్ డాలర్లుగా నమోదయ్యాయి. అంతకుముందు ఏడాది 28.78 బిలియన్ డాలర్లకే ఎఫ్‌డిఐ పరిమితమైనట్లు పారిశ్రామిక విధాన, ప్రోత్సాహక శాఖ (డిఐపిపి) తెలియజేసింది. కంప్యూటర్ హార్డ్‌వేర్, సాఫ్ట్‌వేర్ రంగంలోకి అత్యధికంగా ఎఫ్‌డిఐ వచ్చింది. ఆ తర్వాత సేవలు, ట్రేడింగ్, ఆటోమొబైల్, రసాయన పరిశ్రమలు విదేశీ ప్రత్యక్ష పెట్టుబడులను ఆకట్టుకున్నాయి. సింగపూర్ నుంచి ఎక్కువగా ఎఫ్‌డిఐ రాగా, మారిషస్, అమెరికా, నెదర్లాండ్స్, జపాన్ దేశాలు తర్వాతి స్థానాల్లో ఉన్నాయి.
రికార్డు స్థాయిలో ఉల్లి ఉత్పత్తి
న్యూఢిల్లీ, ఏప్రిల్ 17: దేశీయంగా ఉల్లిగడ్డ ఉత్పత్తి 2015-16 పంట సంవత్సరం (జూలై-జూన్)లో రిక్డార్డు స్థాయిలో 203 లక్షల టన్నులుగా నమోదైంది. వాతావరణం అనుకూలించడం, మార్కెట్‌లో ధరలు భారీగా ఉండటం మధ్య రైతులు పెద్ద ఎత్తున ఉల్లిని సాగు చేశారు. దీంతో ఓ సరికొత్త రికార్డు సాధ్యమైందని నేషనల్ హార్టికల్చరల్ రిసెర్చ్ అండ్ డెవలప్‌మెంట్ ఫౌండేషన్ (ఎన్‌హెచ్‌ఆర్‌డిఎఫ్) డైరెక్టర్ ఆర్‌పి గుప్తా పిటిఐకి తెలిపారు. కాగా, 2014-15లో 189.2 లక్షల టన్నులు, 2013-14లో 194 లక్షల టన్నుల ఉత్పత్తి జరిగింది.
అమ్ముడైన టాప్-10 కార్లలో
ఆరు మోడల్స్ మారుతివే
న్యూఢిల్లీ, ఏప్రిల్ 17: దేశీయంగా గత ఆర్థిక సంవత్సరం (2015-16)లో అత్యధికంగా అమ్ముడైన టాప్-10 కార్లలో మారుతి సుజుకికి చెందినవే ఆరు మోడల్స్ ఉన్నాయి. 2014-15లోనూ ఐదు కార్లు మారుతివే ఉన్నాయ. కాగా, అత్యధికంగా అమ్ముడైన టాప్-10 కార్లలో తొలి నాలుగు స్థానాల్లో మారుతి ఆల్టో, డిజైర్, స్విఫ్ట్, వాగనార్‌లున్నాయి. 5, 6 స్థానాల్లో హ్యుందాయ్ ఐ10, ఎలైట్ ఐ20 ఉండగా, ఆ తర్వాత మారుతి సెలీరియో (7), మహీంద్ర ఎస్‌యువి బొలెరో (8), మారుతి ఓమిని వ్యాన్ (9), హోండా సిటీ (10) ఉన్నాయి.
రూ. 10 లక్షల కోట్లకు మొండి బకాయిలు?
న్యూఢిల్లీ, ఏప్రిల్ 17: ఈ మార్చి 31 నాటికి బ్యాంకుల మొండి బకాయిలు 10 లక్షల కోట్ల రూపాయలను తాకవచ్చని ఓ నివేదిక అంచనా వేసింది. ఉక్కు, టెక్స్‌టైల్స్, అల్యూమినియం వంటి కీలక రంగాల్లో నెలకొన్న మందగమనం మధ్య బ్యాంకుల స్థూల నిరర్థక ఆస్తులు, పునర్వ్యవస్థీకరీంచిన రుణాలు కలిపి ప్రస్తుత రిజర్వ్ బ్యాంక్ ఆఫ్ ఇండియా (ఆర్‌బిఐ) మొండి బకాయిల సమీక్షలో 10 లక్షల కోట్ల రూపాయలుగా తేలవచ్చని పారిశ్రామిక సంఘం అసోచామ్ సర్వే పేర్కొంది. గత ఏడాది డిసెంబర్ నాటికి ఇవి 8 లక్షల కోట్ల రూపాయలుగా ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.