బిజినెస్
మూడు నెలలకోసారి ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: సేవింగ్స్ బ్యాంక్ అకౌంట్లకు సంబంధించి వడ్డీ చెల్లింపులను మూడు నెలలకోసారి (త్రైమాసికం) జరపాలని బ్యాంకులకు రిజర్వ్ బ్యాంక్ ఆఫ్ ఇండియా (ఆర్‌బిఐ) సూచించింది. ఈ మేరకు ఈ నెల 3న ఓ మాస్టర్ సర్క్యులర్‌ను జారీ చేసింది. ఇది కోట్లాదిమంది పొదుపు ఖాతాదారులకు (సేవింగ్స్ అకౌంట్ హోల్డర్లు) ప్రయోజనం చేకూర్చనుంది. ప్రస్తుతం సేవింగ్స్ బ్యాంక్ అకౌంట్లలో ఉన్న నగదుకు ఆరు నెలలకోసారి (అర్ధ వార్షికం) బ్యాంకులు వడ్డీలను చెల్లిస్తున్నాయి. కాగా, సేవింగ్స్ బ్యాంక్ అకౌంట్లపై వడ్డీరేటును 2010 ఏప్రిల్ 1 నుంచి రోజువారీగా లెక్కగడుతున్నారు. ఇక సేవింగ్స్ డిపాజిట్‌పై ప్రభుత్వరంగ బ్యాంకులైతే 4 శాతం వడ్డీని, ప్రైవేట్‌రంగ బ్యాంకులైతే 6 శాతం వడ్డీని చెల్లిస్తున్నాయి. సేవింగ్స్ బ్యాంక్ డిపాజిట్ రేట్లపై నిర్ణయం తీసుకునే స్వేచ్ఛను వాణిజ్య బ్యాంకులకు ఆర్‌బిఐ 2011లో ఇచ్చింది. అయితే లక్ష రూపాయల వరకున్న డిపాజిట్లపై అన్ని బ్యాంకులు ఒకే రకమైన వడ్డీరేటును చెల్లించాలన్న ఆర్‌బిఐ.. ఆపై మొత్తాలకు బ్యాంకులు తమ ఇష్టానుసారం ఇచ్చుకోవచ్చని తెలిపింది. మరోవైపు సేవింగ్స్ బ్యాంక్ అకౌంట్లపై వడ్డీరేటును మూడు నెలలకోసారి చెల్లించడం వల్ల బ్యాంకులపై 500 కోట్ల రూపాయల భారం పడవచ్చని నిపుణులు విశే్లషిస్తున్నారు.
- ఎఫ్‌డిసి ఎఫెక్ట్ -
విక్స్ యాక్షన్ 500 ఎక్స్‌ట్రా
అమ్మకాలు నిలిపివేత
న్యూఢిల్లీ, మార్చి 15: ఎఫ్‌ఎమ్‌సిజి సంస్థ ప్రాక్టర్ అండ్ గాంబుల్ (పిఅండ్‌జి).. తమ పాపులర్ బ్రాండ్ ఔషధం ‘విక్స్ యాక్షన్ 500 ఎక్స్‌ట్రా’ తయారీ, అమ్మకాన్ని తక్షణమే నిలిపివేస్తున్నట్లు ప్రకటించింది. ఫిక్స్‌డ్ డోస్ కాంబినేషన్ (ఎఫ్‌డిసి) ఔషధాలపై కేంద్ర ప్రభుత్వ నిషేధం నేపథ్యంలో పిఅండ్‌జి ఈ నిర్ణయం తీసుకుంది. ‘300లకుపైగా ఫిక్స్‌డ్ డోస్ కాంబినేషన్ ఔషధాల (పారాసిటమల్, ఫెనిలెఫ్రైన్, కఫైన్ కలిసిన) తయారీ, పంపిణీ, విక్రయాలపై భారత ప్రభుత్వం నిషేధం విధించినందున తక్షణమే మా విక్స్ యాక్షన్ 500 ఎక్స్‌ట్రా తయారీ, అమ్మకాలను నిలిపివేస్తున్నాం.’ అని మంగళవారం ఓ ప్రకటనలో బాంబే స్టాక్ ఎక్స్‌చేంజ్‌కు పిఅండ్‌జి తెలిపింది. కాగా, సోమవారం ఔషధరంగ దిగ్గజాలైన ఫైజర్, అబ్బోట్ సంస్థలు కూడా ఫిక్స్‌డ్ డోస్ కాంబినేషన్‌లో ఉన్న తమ పాపులర్ దగ్గు మందులైన కొరెక్స్, ఫెనె్సడిల్ అమ్మకాలను నిలిపివేశాయి. కొరెక్స్ సిరప్ అమ్మకాల ద్వారా గత ఏడాది ఏప్రిల్-డిసెంబర్ మధ్య 176 కోట్ల రూపాయల ఆదాయాన్ని ఫైజర్ అందుకోవడం గమనార్హం. అయితే మార్కెట్‌లో విశేష ఆదరణ పొందిన తమ ఔషధాలు ఇలా నిషేధం పరిధిలోకి వచ్చిన క్రమంలో ప్రత్యామ్నాయ మార్గాలపై ఔషధరంగ సంస్థలు దృష్టిసారించాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.