బిజినెస్
కాశ్మీరులో జరిగేది ‘స్వాతంత్య్ర పోరాటం’!
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, అక్టోబర్ 10: కాశ్మీరు విషయంలో భారత్‌పై పాకిస్తాన్ ప్రధాన మంత్రి నవాజ్ షరీఫ్ మరోసారి తన అక్కసు వెళ్లగక్కాడు. కాశ్మీరులో జరుగుతున్నది ‘స్వాతంత్య్ర పోరాటమని’, దీనిని ఉగ్రవాదంతో ముడిపెడితే భారత్ ‘పొరపాటు’ చేసినట్టే అవుతుందని అన్నాడు. ఇస్లామాబాద్‌లో సోమవారం జరిగిన పాకిస్తాన్ ముస్లిం లీగ్-నవాజ్ (పిఎంఎల్-ఎన్) సెంట్రల్ వర్కింగ్ కమిటీ సమావేశంలో నవాజ్ షరీఫ్ ఈ వ్యాఖ్యలు చేశాడు. కాశ్మీరీలు తమ స్వయం నిర్ణయాధికార హక్కు కోసం పోరాడుతున్నారని, ఈ విషయంలో వారికి పాకిస్తాన్ మద్దతు కొనసాగిస్తుందని ఆయన చెప్పాడు. ‘కాశ్మీరు అంశానికి పాక్ కట్టుబడి ఉంది. కాశ్మీరీల స్వాతంత్య్ర పోరాటానికి మద్దతు తెలుపకుండా మమ్మల్ని ఎవరూ ఆపలేరు’ అని నవాజ్ షరీఫ్ స్పష్టం చేశాడు. జమ్మూ-కాశ్మీరులోని ఉరీలో పాక్ ప్రేరేపిత ఉగ్రవాదులు దాడికి పాల్పడిన అనంతరం నియంత్రణ రేఖ (ఎల్‌ఓసి) వెంబడి ఉగ్రవాద స్థావరాలపై భారత్ లక్ష్యిత దాడులు నిర్వహించడంతో ఇరు దేశాల మధ్య ఉద్రిక్తతలు తారాస్థాయికి చేరిన తరుణంలో పాక్ ప్రధాని ఈ వ్యాఖ్యలు చేశాడు. భారత్‌తో ఏర్పడిన ఉద్రిక్తతల గురించి చర్చించేందుకు నవాజ్ షరీఫ్ గతవారం మంత్రివర్గ సమావేశాన్ని నిర్వహించడంతోపాటు పాకిస్తాన్ పార్లమెంట్ ఉభయ సభలను ఉద్దేశించి ప్రసంగించిన విషయం విదితమే. నవాజ్ షరీఫ్ కుటుంబ సభ్యుల అవినీతికి వ్యతిరేకంగా ఈ నెల 30న రాజధాని ఇస్లామాబాద్‌ను దిగ్బంధిస్తామని పాక్ ప్రతిపక్ష నాయకుడు ఇమ్రాన్ ఖాన్ ఇటీవల చేసిన హెచ్చరికను ఏ విధంగా తిప్పికొట్టాలన్న దానిపై అధికార పిఎంఎల్-ఎన్ మల్లగుల్లాలు పడుతున్న నేపథ్యంలో నవాజ్ షరీఫ్ సోమవారం ఈ సమావేశాన్ని నిర్వహించారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.