బిజినెస్
నయా ఐఫోన్ యూజర్లకు ‘జియో నజరానా’
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 7: ముకేశ్ అంబానీ నేతృత్వంలోని రిలయన్స్ జియో మరో సంచలనానికి తెరతీసింది. ఈ డిసెంబర్ 31 వరకు ఉచిత 4జి సేవలతో ఇప్పటికే దేశీయ టెలికామ్ రంగంలో ప్రకంపనలు సృష్టించిన జియో.. ఇప్పుడు ఐఫోన్ నూతన వినియోగదారులకు ఏకంగా 15 నెలలపాటు ఉచిత సేవలను అందిస్తామని ప్రకటించింది. దేశవ్యాప్తంగా యాపిల్ ఐఫోన్ 7, 7 ప్లస్ మొబైల్ ఫోన్లు శుక్రవారం మార్కెట్‌లోకి అందుబాటులోకి వచ్చాయి. రిలయన్స్ రిటైల్ స్టోర్లతోపాటు యాపిల్ స్టోర్లు, ఫ్లిప్‌కార్ట్, స్నాప్‌డీల్, టాటా క్లిక్‌లలో ఈ ఫోన్ల విక్రయాలు జరుగుతున్నాయి.
దీంతో ఈ ఫోన్ల వినియోగదారులకు వాయిస్ కాల్స్‌తోపాటు 20జిబి డేటా, అపరిమిత ఎస్‌ఎమ్‌ఎస్‌లు ఉచితమని స్పష్టం చేసింది. 18,000 రూపాయల విలువైన ఈ ఆఫర్ కొత్త ఐఫోన్ వినియోగదారులందరికీ తమ జియో నెట్‌వర్క్‌పై వర్తిస్తుందని శుక్రవారం వివరించింది. ఈ నెల 31 వరకు ఎలాగూ ‘వెల్‌కమ్ ప్లాన్’లో 4జి సేవలను తమ వినియోగదారులందరికీ జియో ఇస్తోంది. అయితే ప్రత్యేకంగా ఈ ఉచిత సేవలను జనవరి 1 నుంచి ఏడాదిపాటు ఐఫోన్ వినియోగదారులకు మాత్రమే జియో కొనసాగించనుంది. దీంతో ఈ మూడు నెలలు, ఆ పనె్నండు నెలలు కలిపి మొత్తం 15 నెలలు ఐఫోన్ వినియోగదారులకు ఉచిత జియో సేవలు అందుతాయన్నమాట. కాగా, కొత్తగా విడుదలైన ఐఫోన్ 7, 7 ప్లస్‌లకే కాకుండా ఐఫోన్ 6, 6 ప్లస్, ఎస్‌ఇలకు కూడా తమ ఉచిత ఆఫర్ వర్తిస్తుందని జియో తెలియజేసింది. అపరిమిత లోకల్, ఎస్‌టిడి వాయిస్ కాలింగ్, నేషనల్ రోమింగ్, 20 జిబి వరకు 4జి డేటా, రాత్రిళ్లు అపరిమితంగా 4జి డేటా, 40 జిబి వరకు వైఫై డేటా, అపరిమిత ఎస్‌ఎమ్‌ఎస్, అపరిమిత జియో యాప్స్ సబ్‌స్క్రిప్షన్‌లతో కూడిన ఆఫర్ ఉచితమని చెప్పింది.
సాధారణంగా ఈ సేవలను 1,499 రూపాయల ప్లాన్‌లో జియో అందిస్తుండగా, ఈ సేవల విలువ 18,000 రూపాయలకు సమానం. ఐఫోన్ 7, 7 ప్లస్ 32 జిబి, 128 జిబి, 256 జిబి మోడల్స్ మార్కెట్‌లో ఉన్నాయి. సిల్వర్, గోల్డ్, రోజ్ గోల్డ్ కలర్లలో లభిస్తున్నాయి. 32 జిబి ఫోన్ ధర 60,000 రూపాయలుగా ఉంది. ఐఫోన్ 7లో 3డి టచ్‌తో 4.7 అంగుళాల డిస్‌ప్లే ఉంటే, 7 ప్లస్‌లో 3డి టచ్‌తో 5.5 అంగుళాల రెటీనా హెచ్‌డి డిస్‌ప్లే ఉంది. గత మోడల్స్‌తో పోల్చితే 40 శాతం అధికంగా వీటి పనితనం ఉంటుంది. ఐఒఎస్ 10 ఆధారిత ఐఫోన్ 7 స్పోర్ట్స్‌లో 12 మెగాపిక్సల్ ఐసెట్ కెమెరా, 4కె వీడియో రికార్డింగ్ ఉండగా, 7 ప్లస్‌లో డ్యూయల్ 12 మెగాపిక్సల్ రేర్ కెమెరాలున్నాయి.
శుక్రవారం ముంబయలో ఐఫోన్ 7 కోసం బారులుతీరిన జనం,
చేతిలో జియో సిమ్‌తో తొలి ఐఫోన్ 7ను కొనుగోలు చేసిన శివాని సింగ్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.