అంతర్జాతీయం
బొలీవియాలో మంత్రిని దారుణంగా కొట్టి చంపేశారు..!
S ,7 à 8 RSCA (si SASPAS) et 6 cialis pharmacie cialis rapports de stage.
లాపాజ్: బొలీవియాలో వారం రోజులుగా పెద్ద ఎత్తున జరుగుతున్న ఆందోళనలు హింసాత్మకంగా మారాయి. తమ డిమాండ్లపై ప్రభుత్వం మౌనం పాటించడంతో ఆగ్రహంతో ఊగిపోయిన గని కార్మికులు డిప్యూటీ హోంమంత్రిని కిడ్నాప్ చేసి హతమార్చారు. ఈ విషయాన్ని ప్రభుత్వం అధికారికంగా ధ్రువీకరించింది. రాయితీలు కల్పించాలని, ప్రైవేటు కంపెనీల్లో పనిచేసేందుకు అనుమతి ఇవ్వాలని గని కార్మికుల ఆందోళనలు ఊపందుకున్నాయి. ప్రభుత్వం నుంచి ఎటువంటి స్పందన రాకపోవడంతో ఆగ్రహంతో ఊగిపోయిన కార్మికులు పండురో ప్రాంతంలో డిప్యూటీ హోంమంత్రి రొడాల్ఫో ఇలేన్స్, అతడి వ్యక్తిగత సిబ్బందిని అడ్డుకుని కిడ్నాప్ చేశారు. అనంతరం రొడాల్ఫోను దారుణంగా కొట్టి చంపేశారు. డిప్యూటీ హోంమంత్రి హత్య ఘటనలో ఇప్పటి వరకు వెయ్యిమందికి పైగా కార్మికులను పోలీసులు అదుపులోకి తీసుకున్నారు. కార్మికులకు, పోలీసులకు మధ్య జరిగిన ఘర్షణలో ఇద్దరు కూలీలు మృతి చెందారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.