S ,7 à 8 RSCA (si SASPAS) et 6 cialis pharmacie cialis rapports de stage.

Others

07/15/2019 - 21:58

సుధామ మనోభూమిక
వెల: రూ.300/-
: ప్రతులకు :
ప్రముఖ గ్రంథ విక్రయశాలల్లో..
*

07/08/2019 - 22:39

చిత్రం నీదైతే
కవనం నాది

రూపం నీదైతే
భావం నాది

దృశ్యం నీదైతే
భావుకత నాది
శిల్పం నీదైతే
సృజనాత్మకత నాది

హృదయం నీదైతే
స్పందన నాది

దేహం నీదైతే
ప్రాణం నాది

07/08/2019 - 21:50

వాడు
కూతుర్ని చంపి
కులానికి వేలాడదీశాడు
మతానికి మానవతను వెలేసినోడు
నిజానికి మనిషినని మరిచినోడు

07/08/2019 - 21:48

కవిత ఓ పరమాన్నం
ఎప్పుడూ తింటే రుచించదు
ఓ పండుగ ఓ పబ్బంలా
సమయం సందర్భం
ఎంతో అవసరం మరి
అవి వచ్చినప్పుడు మాత్రం
పిలవకనే వచ్చిన ఆప్తులవలె
పలకరించిపోతుంది
తన సాహచర్యం లేని
జీవితాన్ని ఊహించాలంటేనే
గుండె బరువెక్కిపోతుంది
అందుకే తన కోసం ఎదురుచూపు

07/08/2019 - 21:45

‘విప్రోత్తమా! విన్నవించుకో
ఏంకావాలో’ అని అడిగిన ఏలినవారికి
‘కొమరుని వివాహం, నాకు ఉపనయనమన్న
వృద్ధ విప్రునికి ‘ఉపనయనమిప్పుడేమిట’ని
విస్తుపోయిన ప్రభువుల వారికి
ప్రహేళికగా తోచింది !
‘రాయల’ వారి లాంటి రాజుకి తట్టినదే
నాకూ స్ఫురించిన శే్లష -
సర్వేంద్రియణాం
నయనం ప్రధానమనే
నయనానికి ఉప నయనమని
అన్వయించుకుంటే --

07/08/2019 - 21:40

ఆచార్య శిప్రముని పీఠం (వేదవిజ్ఞాన ప్రచార పరిశోధనాసంస్థ) వ్యవస్థాపక అధ్యక్షులు ముదిగొండ శివప్రసాద్ రచించిన ‘వ్యాసదర్శనము’ గ్రంథావిష్కరణ కార్యక్రమం ఈ నెల 9న చిక్కడపల్లి త్యాగరాయ గానసభలో జరుగుతుందని గ్రంథ రచయత ఒక ప్రకటనలో తెలిపారు. ఆచార్య శిప్రముని పీఠం, త్యాగరాయ గానసభ సంయుక్తంగా నిర్వహిస్తున్న ఈ కార్యక్రమానికి ప్రముఖ సాహితీవేత్త సుధామ అధ్యక్షత వహిస్తారు.

07/01/2019 - 22:11

కొమ్మకొమ్మన చేరి కోయల కూనిరాగము తీసెనే
కమ్మకమ్మని రాగముల్ గమకంబు తోడుత పాడెనే
రమ్మురమ్మని పిల్లలందరు రాచమామిడి చూపిరే
చెమ్మగిల్లిన మానసంబున చింతలన్నియు తీరెనే!

గున్నమామిడి పచ్చపచ్చని కోక పొంకము గాంచుచున్
వనె్నచినె్నలెరింగి రివ్వున వాలిపోయెను తోటలోన్
ఎన్నరాని స్వరంబుతో భువికెంత సంబరమయ్యెడిన్
చెన్నుమీరె వసంత రాగము చెట్టుచెట్టున చేరగన్

07/01/2019 - 22:10

తిమిరానికి అసహనం
ఉషస్సును చూస్తే
గాఢాంధకారానికి
వెలుగు రుచి చూపిస్తుందని
అంధకారాన్ని తరిమేస్తుందని

నిజాయతీకి అసహనం
అబద్ధాన్ని చూస్తే
తన నిజాయతీకి
కళంకం తీసుకొస్తుందని

మతవ్ఢ్యౌనికి అసహనం
లౌకికతత్వాన్ని చూసి
ఎక్కడ తన అభిమతం
మార్చేస్తుందోనని

07/01/2019 - 22:08

మనిషి పుడతాడు
ఒక దివ్య ఫలంతో..
ఒక పదునైన చాకుతో..
ఆకలైనప్పుడల్లా
చాకుతో పండును కోసుకొనటానికి
ఆనందంగా బతకటానికి...

ఆ పండు మామూలు పండు కాదు,
ఎంత కోసుకుతిన్నా తరగదు అక్షయ పాత్రలా..
కానీ ఒక నిబంధన - క్రమం తప్పకుండా
స్వయం కృషితో ‘చార్జి’ చేసుకుంటూ ఉంటేనే
దివ్యఫలం నిలిచేది, భవ్యరసం అందించేది

07/01/2019 - 22:05

నక్షత్రాలై వెలిగే కళ్ళలో
ఇంకా రంగులు వెలియని
బొమ్మల ప్రపంచం కదలాడ్తుండగానే
ఆ గేట్లు తెరుచుకుంటాయి!
ముద్దులొలికే మొగ్గ శరీరాల్ని
యూనీఫారాలు కబళిస్తాయి!
ఆటల తోటనుంచి బయలుదేరిన
నాజూకు సీతాకోక చిలుకల పెడరెక్కలను
అక్షరాల దారాలు విరిచికడ్తాయి!
పట్టువదలని గట్టి పదాలు
చిట్టి నాలుకలను ఒడిసిపట్టి
సిలబస్ కత్తులతో సానపడ్తాయి!

Pages