మానవ బీభత్సం కంటె ప్రాకృతిక బీభత్సం వందల వేల రెట్లు భయంకరమైనదన్న కఠోర వాస్తవం మరోసారి ధ్రువపడింది. స్వాతి వానలకు సముద్రాలు నిండడం ప్రాకృతిక పరిణామం, ‘స్వాతి’ వానలకు భూమి సముద్రంగా మారడం ఊహకందని వికృతి. తమిళనాడులోను అంధ్రప్రదేశ్ దక్షిణ భాగంలోను కురిసిన బీభత్స వర్షం ఇలాంటి మృత్యు సముద్రాన్ని సృష్టించింది..మానవ జీవనాన్ని రోజుల తరబడి దిగ్బంధం చేసింది. వందలాది మందిని బలిగొనింది.

నేపాల్‌లో కొత్త రాజ్యాంగం ఆవిష్కృతమైన నాటినుంచి కొనసాగుతున్న సంక్షోభం నానాటికీ తీవ్రతరవౌతోంది. భారత్, నేపాల్ దేశాల మధ్య తరతరాలుగా నెలకొన్న స్నేహ సంబంధాలు క్షీణించిపోవడానికి ఈ రాజ్యాంగ సంక్షోభం దోహదం చేస్తుండడం అనూహ్య పరిణామం! మన దేశపు ‘సశస్తస్రీమాబల్’-ఎస్‌ఎస్‌బి-్భద్రతా విభాగానికి చెందిన పదమూడు మందిని నేపాల్ ప్రభుత్వం ఆదివారం నిర్బంధించడం విస్మయాన్ని కలిగించిన దుర్ఘటన!

ఉభయ తెలుగు రాష్ట్రాల ఉమ్మడి రాజధాని నగరంలో జన జీవనాన్ని ఆవహించి ఉన్న అభద్రత నిరంతరం తీవ్రతరవౌతోంది. అంతర్గత సంఘ విద్రోహ శక్తులు చెలరేగుతుండడం, విదేశీయ నేరస్థులు చొరబడిపోతుండడం పునరావృత్తమవుతున్న భద్రతా రాహిత్యతకు ప్రధాన ప్రాతిపదికలు! పాలనా యంత్రాంగంలో గూడుకట్టుకుని ఉన్న నిర్లక్ష్యం ఈ అభద్రతను పెంచుతోంది.

రష్యా యుద్ధవిమానాన్ని టర్కీ ప్రభుత్వం నవంబర్ 24వ తేదీన కూల్చివేయడం అగ్రరాజ్యాల ఆధిపత్య సమరంలో భాగం. ఈ కూల్చివేతకు నిరసనగా టర్కీతో రక్షణ సహకారాన్ని రద్దు చేసుకుంటున్నట్టు రష్యా ప్రభుత్వం 26వ తేదీన ప్రకటించడం ‘అగ్ర’ వైరుధ్యాలు తీవ్రతరం అవుతుండడానికి నిదర్శనం. ఈ వైరుధ్యాల కారణంగా లాభపడుతున్నది అంతర్జాతీయ సమాజానికి శత్రువైన ఇరాక్ సిరియా ఇస్లామిక్ రాజ్యం-ఐఎస్‌ఐఎస్-బీభత్స సంస్థ.