ఆంగ్ల సంగీత ప్రపంచానికి ‘ఆస్కార్’ లాంటి గ్రామీ అవార్డుల ప్రదానోత్సవం అట్టహాసంగా జరిగింది. అమెరికాలోని లాస్‌ఎంజిలిస్ స్టాపిల్ సెంటర్‌లో సోమవారం రాత్రి జరిగిన ఈ వేడుకలో గతేడాది విడుదలైన పాప్, రాక్, మ్యూజిక్, ఆల్బమ్‌లకు సంబంధించి 83 విభాగలలో అవార్డులు బహూకరించారు. వీటిలో కీలకమైన ఆల్బమ్ ఆఫ్ ది ఇయర్ అవార్డును ప్రఖ్యాత అమెరికన్ పాప్ గాయని టేలర్ స్విఫ్ట్ ‘1989’ ఆల్బమ్‌ను వరించింది.

ఆది, ఆదాశర్మ జంటగా శ్రీమతి వసంత శ్రీనివాస్ సమర్పణలో శ్రీనివాసాయి స్క్రీన్స్ పతాకంపై మదన్ దర్శకత్వంలో పి.సురేఖ నిర్మించిన చిత్రం ‘గరం’. ఫిబ్రవరి 12న విడుదలయిన ఈ సినిమాకు ప్రేక్షకుల నుండి మంచి రెస్పాన్స్ వస్తోంది. ఈ సందర్భంగా చిత్ర బృందం సోమవారం హైదరాబాద్‌లో సక్సెస్ మీట్ నిర్వహించారు.

శ్రీనివాసరెడ్డి, పూర్ణ జంటగా ఎ.వి.ఎస్.రాజు సమర్పణలో, శివరాజ్ కనుమూరి స్వీయ దర్శకత్వంలో రూపొందిస్తున్న ‘జయమ్మునిశ్చయమ్మురా’ చిత్రం ఫస్ట్ లుక్‌ను ప్రముఖ దర్శకులు త్రివిక్రమ్, ప్రముఖ హీరో నితిన్ లాంఛ్ చేశారు. వీడియో పోస్టర్ చాలా కొత్తగా, ఆహ్లాదకరంగా ఉందని త్రివిక్రమ్ అభినందించారు. ‘జయమ్ము నిశ్చయమ్మురా’ టీమ్‌కు నితిన్ బెస్ట్‌ఆఫ్ లక్ చెప్పారు.

‘‘మర్యాద రామన్న చిత్రంలో నటించినప్పుడు ఎంత ఆనందించానో అంతగా ‘కృష్ణాష్టమి’లో నటిస్తున్నప్పుడు ఆనందించానని, నా కెరీర్‌లోనే అత్యంత భారీ బడ్జెట్‌తో రూపొందిన ఈ చిత్రంలో వచ్చిన పాత్ర మరోసారి రాదేమోనన్నట్లు డిజైన్ చేశారని, కుటుంబమంతా కలసి చూడదగ్గ చిత్రమని’ నటుడు సునీల్ తెలిపారు.