జాతీయ వార్తలు
శోకసంద్రమైన బెతదూర్
S ,7 à 8 RSCA (si SASPAS) et 6 cialis pharmacie cialis rapports de stage.
ధార్వాడ్: సియాచిన్‌లో ఎవరూ ఊహించని విధంగా ప్రాణాలతో బైటపడినప్పటినుంచి మృత్యువుతో పోరాటం జరిపిన లాన్స్‌నాయక్ హనుమంతప్ప చివరికి గురువారం కన్ను మూశారన్న వార్త తెలియగానే ధార్వాడ్ జిల్లాలోని ఆయన స్వగ్రామం శోకసంద్రంగా మారింది. హనుమంతప్ప మృతి చెందాడన్న వార్త తెలియగానే పెద్ద సంఖ్యలో ఆయన బంధువులు, స్నేహితులు, చుట్టుపక్కల గ్రామాలవారు, మీడియా బృందాలు ఆయన స్వగ్రామమైన ధార్వాడ్ జిల్లా కుందగోల్ తాలూకా బెతదూర్ గ్రామానికి చేరుకున్నారు. హనుమంతప్ప భార్య మహాదేవి కుమార్తె, సన్నిహిత బంధువులతో పాటుగా ఢిల్లీలో ఉండగా, గ్రామంలోని మిగతా కుటుంబ సభ్యులంతా కూడా హనుమంతప్ప మృతి వార్త విని దుఃఖ సాగరంలో మునిగిపోయారు. ఈ నెల 13న జరగనున్న హెబ్బాళ్ అసెంబ్లీ ఉప ఎన్నికకోసం బెంగళూరులో ఒక ఎన్నికల ర్యాలీలో ప్రసంగిస్తుండిన కర్నాటక ముఖ్యమంత్రి సిద్ధరామయ్య లాన్స్‌నాయక్ హనుమంతప్ప మృతి వార్త తెలియగానే ఆయన మృతికి సంతాప సూచకంగా రెండు నిమిషాలు వౌనం పాటించారు. దేశంకోసం హనుమంతప్ప తన ప్రాణాలను త్యాగం చేశారని ముఖ్యమంత్రి అన్నారు. సియాచిన్ దుర్ఘటనలో మృతిచెందిన రాష్ట్రానికి చెందిన ముగ్గురు జవాన్లు మైసూరుకు చెందిన మహేశ్, హాసన్‌కు చెందిన నగేశ్, హనుమంతప్పల కుటుంబాలకు ఎక్స్‌గేషియాను ప్రకటించడం జరుగుతుందని సిద్ధరామయ్య చెప్పారు. కాగా, హనుమంతప్ప ఒకటి, రెండు రోజుల్లో కోలుకుంటారని, గ్రామానికి తిరిగి వస్తారని తామంతా అనుకున్నామని, ఆయన చనిపోయినట్లు తెలిసి తమకెంతో బాధవేసిందని హనుమంతప్ప స్నేహితుడు మంజునాథ్ కంటికి, మంటికి ఏకధాటిగా రోదిస్తూ చెప్పాడు. హనుమంతప్ప కోలుకోవాలని తాము అందరి దేవుళ్లను ప్రార్థించామని, అయితే ఏ దేవుడూ తమ మొర ఆలకించలేదని ఆయన అంటూ, హనుమంతప్ప మృతితో ఆయన కుటుంబం గుండె చెరువై పోయిందన్నాడు.
హనుమంతప్ప మరణవార్త తెలిసిన వెంటనే ఆయన కుటుంబ సభ్యులను పరామర్శించేందుకు వచ్చిన బంధుమిత్రులతో నిండిన నివాస గృహం
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.