జాతీయ వార్తలు
మృత్యుంజయుడు హనుమంతప్ప
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 9: సియాచిన్‌లో ఆరు రోజుల పాటు మంచుచరియల కింద చిక్కుకున్న లాన్స్ నాయక్ హనుమంతప్ప కొప్పాడ్ అనే జవాను సురక్షితంగా బయటపడ్డాడు. సియాచిన్‌లో 19వేల అడుగుల ఎత్తులో మంచుచరియలు విరిగిపడడంతో పదిమంది సైనికులు గల్లంతయ్యారు. అందులో ఓ సైనికాధికారి ఉన్నారు. వారంతా మద్రాస్ రెజిమెంట్‌కు చెందినవారు. గల్లంతైన వారికోసం సైన్యం గాలింపుచర్యలు చేపట్టగా మంచుచరియల కింద 25 అడుగుల లోతులో చిక్కుకున్న లాన్స్ నాయక్ హనుమంతప్ప ప్రాణాలతో బయటపడ్డాడు. వెంటనే హనుమంతప్పను ప్రత్యేక ఎయిర్ అంబులెన్స్‌లో ఢిల్లీలోని రీసెర్చి అండ్ రిఫరల్ ఆసుపత్రికి తరలించారు. ప్రస్తుతం ఆయన కోమాలో ఉన్నట్టు సైనిక వర్గాలు తెలిపాయి. హనుమంతప్ప కర్నాటకకు చెందినవాడు. ఒక జూనియర్ కమాండెంట్ అధికారితోపాటు వివిధ ర్యాంకులున్న తొమ్మిది మంది మంచుచరియల కింద గల్లంతయ్యారని నార్తరన్ ఆర్మీ కమాండర్ లెఫ్టినెంట్ జనరల్ డిఎస్ హుడా వెల్లడించారు. గాలింపులో హనుమంతప్ప మృత్యుంజయుడిగా బయటపడ్డారు. ఐదు మృతదేహాలను వెలికితీసిన బృందాలు మరో నలుగురి కోసం గాలిస్తున్నాయ. కాగా ప్రధాని నరేంద్ర మోదీ ఆర్మీ ఆసుపత్రికి వచ్చి హనుమంతప్పను పరామర్శించారు. వైద్య నిపుణుల పర్యవేక్షణలో లాన్స్ నాయక్‌కు వైద్య సేవలందిస్తున్నారు. హనుమంతప్ప త్వరగా కోలుకోవాలని ఈ సందర్భంగా ప్రధాని ఆకాంక్షించారు. విధి నిర్వహంలో సైనికులు చూపుతున్న తెగువకు యావత్ జాతి గర్విస్తుందని ఆయన స్పష్టం చేశారు. ఇలా ఉండగా హనుమంతప్ప ఆరోగ్య పరిస్థితి విషమంగా ఉన్నప్పటికి నిలకడగానే ఉందని వైద్యులు వెల్లడించారు. లాన్స్ నాయక్ హనుమంతప్ప అసాధారణ సైనికుడని ప్రధాని ట్విట్టర్‌లో శ్లాఘించారు.
సియాచిన్‌లో మంచు చరియల్లో చిక్కుకున్నవారి కోసం అణ్వేషిస్తున్న సహాయక సిబ్బంది. తవ్వకాల్లో సజీవంగా బయటపడ్డ లాన్స్ నాయక్ హనుమంతప్ప
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.