జాతీయ వార్తలు
ఆనందిబెన్‌కు ఉద్వాసన?
S ,7 à 8 RSCA (si SASPAS) et 6 cialis pharmacie cialis rapports de stage.
గాంధీనగర్, మే 16: గుజరాత్ ముఖ్యమంత్రి ఆనందిబెన్ పటేల్‌కు స్థానభ్రంశం తప్పదా? బీజేపీ వర్గాలు అవుననే అంటున్నాయి. రాష్ట్రానికి వచ్చే ఏడాది జరిగే అసెంబ్లీ ఎన్నికల్లో తిరిగి అధికారాన్ని దక్కించుకోవటానికి ముఖ్యమంత్రి మార్పు తప్పదన్న నిర్ణయానికి ప్రధాన మంత్రి నరేంద్ర మోదీ, బీజేపీ జాతీయ అధ్యక్షుడు అమిత్ షా భావిస్తున్నట్లు పార్టీ వర్గాలు అంటున్నాయి. ఇద్దరు నేతలకు గుజరాత్ సొంత రాష్ట్రం కావటంతో రాబోయే అసెంబ్లీ ఎన్నికలు అత్యంత ప్రతిష్ఠాత్మకం అవుతున్నాయి. దీంతో ఇద్దరు నేతల మధ్య పలు దఫాల సమావేశాలు, మంతనాల అనంతరం ఆనందిబెన్‌ను మార్చాలన్న నిర్ణయానికి వచ్చినట్లు సమాచారం. ఆనందిబెన్‌ను ఏదైనా రాష్ట్రానికి గవర్నర్‌గా పంపించి, ఆమె స్థానంలో గుజరాత్ కేబినెట్‌లో కీలక బాధ్యతలు మోస్తున్న మంత్రి నితిన్‌భాయ్ పటేల్‌కు సీఎం సీటు అప్పగించవచ్చని భావిస్తున్నారు. గత వారమే నితిన్‌భాయ్ ఢిల్లీలో ప్రధానితో భేటీ అయ్యారు.
2014 లోక్‌సభ ఎన్నికల్లో భారీవిజయం నమోదు చేసి ప్రధాని పదవి చేపట్టిన అనంతరం గుజరాత్ ముఖ్యమంత్రిగా ఆనందిబెన్‌ను తన స్థానంలో మోదీ కూర్చోబెట్టిన సంగతి తెలిసిందే. గుజరాత్‌లో పటేళ్ల రిజర్వేషన్ ఉద్యమం ఊపందుకోవటం, ఉద్యమ నాయకుడు 23 ఏళ్ల హార్దిక్ పటేల్ రాజద్రోహం కేసులో 200రోజులపాటు జైల్లో గడపడం వంటి పరిణామాలు బీజేపీ ఇమేజిని బాగా దెబ్బతీశాయి. అంతేకాదు.. గుజరాత్‌లో రాజకీయ పరిస్థితిని పార్టీకి అనుకూలంగా నిలబెట్టడంలో ఆనందిబెన్ విఫలమయ్యారని, బీజేపీ రాష్ట్ర శాఖలో కూడా అంతర్గత యుద్ధం పరాకాష్టకు చేరుకుందని మోదీకి నమ్మకస్తుడైన పార్టీ నేత ఓం మాథుర్ ఆయనకు నివేదిక ఇచ్చినట్లు పార్టీ వర్గాలు వెల్లడించాయి. ఈ నివేదిక ప్రకారం ఆనందిబెన్ పనితీరు చాలా పేలవంగా ఉందని, రాష్ట్ర ప్రభుత్వానికి, పార్టీ రాష్ట్ర శాఖకు మధ్య సమన్వయం పూర్తిగా కొరవడిందని పేర్కొన్నట్లు బీజేపీ వర్గాలు చెప్తున్నాయి. గత 15రోజుల వ్యవధిలో ఓం మాథుర్, మోదీ-అమిత్‌షాలను రెండుసార్లు కలిసి రాష్ట్ర పరిస్థితిని చర్చించారు. ఈ ఏడాదితో ఆనందిబెన్ వయసు 75కు చేరుకుంటుంది కాబట్టి ఆ కారణం చూపించి ఆమెను తప్పించే అవకాశాలు ఉన్నట్లు పార్టీ వర్గాలు భావిస్తున్నాయి.
చిత్రం ఢిల్లీలో సోమవారం ప్రధాని నరేంద్ర మోదీతో సమావేశమైన ఆనందిబెన్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.