జాతీయ వార్తలు
మెరుగైన చరిత్ర లిఖించబడుతుంది
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 3: ‘నాకు నా 12వ తరగతి పరీక్షలు రాసిన సంవత్సరం ఎల్లప్పుడూ గుర్తుంటుంది. ఎందుకంటే ఢిల్లీలో ఇప్పుడు నెలకొని ఉన్న పరిస్థితి అలాంటిది.’ ఢిల్లీలోని జఫ్రాబాద్ ప్రాంతంలో గల జాకీర్ హుస్సేన్ మెమోరియల్ స్కూల్ విద్యార్థి ఒకరు మంగళవారం నాడు అన్న మాటలివి. ఈశాన్య ఢిల్లీలోని ఇటీవల మత ఘర్షణలు జరిగిన ప్రాంతాలలో మంగళవారం పెద్ద సంఖ్యలో పోలీసులు మోహరించి ఉండగా, తమ తల్లిదండ్రులు స్కూల్ గేట్ల వద్ద నిలబడి ఎంతో ఆందోళన, ఆతృతతో వేచిచూస్తుండగా, 12వ తరగతి విద్యార్థులు తమ చరిత్ర పరీక్ష రాశారు. దేశ రాజధాని చరిత్రలో మత ఘర్షణలను మించిన ‘మెరుగయిన పరిస్థితులు’ నెలకొన్నాయని లిఖిస్తామన్న విశ్వాసం తమకు ఉందని విద్యార్థులు పేర్కొన్నారు. పరీక్షలు రాయడానికి దరఖాస్తు చేసుకున్న వారిలో 98 శాతానికి పైగా మంది మంగళవారం నాటి పరీక్షకు హాజరయ్యారని సెంట్రల్ బోర్డ్ ఆఫ్ సెకండరి ఎడ్యుకేషన్ (సీబీఎస్‌ఈ) తెలిపింది. గైర్హాజరయిన వారిలో ప్రైవేటు అభ్యర్థులు ఎక్కువ మంది ఉన్నారు. ‘్ఢల్లీలో ఇప్పుడు సృష్టించబడి ఉన్న చరిత్ర భయంకరంగా ఉంది. దీన్ని చూస్తుంటే పరీక్షలకు సన్నద్ధం కావడానికి నేను నేర్చుకున్న చరిత్ర అసంగతంగా ఉంది. హింస, ఘర్షణలతో కూడిన ఈ చరిత్ర కాకుండా, దీనికన్నా మెరుగయిన చరిత్ర ఢిల్లీలో, దేశంలో సృష్టించబడుతుందనే విశ్వాసం నాకు ఉంది’ అని ఒక విద్యార్థి అన్నారు. అయితే, తన పేరు వెల్లడించడానికి ఆ విద్యార్థి ఇష్టపడలేదు. ‘చుట్టూ పోలీసులు ఉన్నారు. కాని, ఉద్రిక్త పరిస్థితి నెలకొని ఉంది. నేనే చాలా భయపడుతూ ఉన్నానంటే, పరీక్ష రాస్తున్న విద్యార్థుల మానసిక స్థితి ఎలా ఉండి ఉంటుందని నేను ఆశ్చర్యపోతున్నాను’ అని ముస్త్ఫాబాద్‌లోని ప్రభుత్వ బాలుర సీనియర్ సెకండరి స్కూల్‌లో పరీక్ష రాస్తున్న తన కుమారుడి కోసం ఆ పాఠశాల బయట వేచిచూస్తున్న రూపాదేవి అనే మహిళ పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.