జాతీయ వార్తలు
పరువునష్టం కేసులో రాహుల్‌కు సమన్లు
S ,7 à 8 RSCA (si SASPAS) et 6 cialis pharmacie cialis rapports de stage.
గౌహతి, ఆగస్టు 6: అస్సాంలోని ఒక దేవాలయ ప్రవేశం విషయంలో రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) పరువుకు నష్టం కలిగించే రీతిలో వ్యాఖ్యలు చేసినట్లు అభియోగాలు ఎదుర్కొంటున్న కాంగ్రెస్ పార్టీ ఉపాధ్యక్షుడు రాహుల్ గాంధీ సెప్టెంబర్ 21న కోర్టులో హాజరుకావాలని ఒక మేజిస్ట్రేట్ కోర్టు ఆదేశించింది. బార్‌పేటలోని ఒక దేవాలయ ప్రవేశం విషయంలో నిరుడు ఆర్‌ఎస్‌ఎస్‌కు వ్యతిరేకంగా వ్యాఖ్యలు చేసినందుకు భారత శిక్షాస్మృతి (ఐపిసి)లోని సెక్షన్ 500 కింద విచారణను ఎదుర్కోవడానికి కోర్టుకు హాజరుకావాలని కామ్‌రూప్ చీఫ్ జుడీషియల్ మేజిస్ట్రేట్ సంజయ్ హజారికా శనివారం రాహుల్ గాంధీకి సమన్లు జారీచేశారు. ఈ సెక్షన్ కింద దోషిగా తేలితే గరిష్ఠంగా రెండు సంవత్సరాల వరకు సాధారణ జైలుశిక్ష లేక జరిమానా లేక రెండూ విధించే అవకాశం ఉంది. ఆర్‌ఎస్‌ఎస్ కార్యకర్త అంజన్ బోరా దాఖలు చేసిన ఈ క్రిమినల్ పరువు నష్టం దావా పిటిషన్‌పై రాహుల్ గాంధీకి నిందితుడిగా సమన్లు జారీ చేయాలా లేదా అనే అంశంపై నిర్ణయాన్ని కోర్టు ఈ నెల రెండో తేది నుంచి శనివారం నాటికి వాయిదా వేసింది. 2015 డిసెంబర్ 12న అస్సాంలోని బార్‌పేట సత్ర ఆలయంలోకి తనను ఆర్‌ఎస్‌ఎస్ కార్యకర్తలు ప్రవేశించనీయలేదని ప్రకటించడం ద్వారా రాహుల్ గాంధీ ఆ సంస్థ ప్రతిష్ఠను దెబ్బతీశారని సిజెఎం పేర్కొన్నారు. 2015 డిసెంబర్ 12న రాహుల్ గాంధీ ఆలయంలోకి వెళ్లకుండా పాదయాత్రలో పాల్గొన్నారని, కాని, రెండు రోజుల తరువాత ఢిల్లీలో నిర్వహించిన విలేఖరుల సమావేశంలో తాను సత్రాలోకి వెళ్లకుండా దాని ఎన్నికయిన సభ్యులు, ఆర్‌ఎస్‌ఎస్ కార్యకర్తలు అడ్డుకున్నారని అబద్ధం చెప్పారని బోరా తన పిటిషన్‌లో పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.