జాతీయ వార్తలు
ఓటరుకు మరింత చేరువ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 21: హిందీ రాష్ట్రాల్లోని ఓటర్లకు చేరువ కావాలన్న లక్ష్యంలో భాగంగా కాంగ్రెస్ పార్టీ మూడు రోజుల బస్సు యాత్రను శనివారం నుంచి చేపట్టబోతోంది. ఢిల్లీ నుంచి కాన్పూర్ వరకు జరిగే ఈ యాత్రలో ‘27సాల్ యూపి బేహాల్’ (27ఏళ్లలో ఉత్తరప్రదేశ్ సర్వ నాశనమైంది) అనే నినాదాన్ని ప్రచారంలోకి తీసుకురావాలని పార్టీ నాయకత్వం నిర్ణయించింది. అక్బర్ రోడ్‌లోని పార్టీ ప్రధాన కార్యాలయం నుంచి ఈ యాత్రను కాంగ్రెస్ అధినేత్రి సోనియాగాంధీ, ఉపాధ్యక్షుడు రాహుల్ గాంధీ ప్రారంభిస్తారు. మరికొన్ని నెలల వ్యవధిలో ఉత్తరప్రదేశ్‌లో అసెంబ్లీ ఎన్నికలు జరగనున్న దృష్ట్యా అత్యంత వ్యూహాత్మక రీతిలో ప్రచార కార్యక్రమాలకు శ్రీకారం చుడుతోంది. ఈ నెల 29న లక్నోలో ఓ భారీ బహిరంగ సభను నిర్వహించాలని తలపెట్టామని, అందులో రాహుల్ గాంధీతోపాటు పార్టీకి చెందిన ఇతర సీనియర్ నేతలు కూడా పాల్గొంటారని ఉత్తరప్రదేశ్ కాంగ్రెస్ కమిటీ సారథి సంజయ్ సింగ్ వెల్లడించారు. అధికార సమాజ్‌వాదీ పార్టీ, బిజెపిల వైఫల్యాలను ఎండగట్టడమే ఈ యాత్ర లక్ష్యమని, గత 27 సంవత్సరాలుగా రాష్ట్ర పరిస్థితి ఎంతగా దిగజారిందో ప్రజల కళ్లకు కడతామని ఆయన తెలిపారు. ప్రతి ఓటరును కనీసం మూడు నుంచి నాలుగుసార్లు కలుసుకునే విధంగా ప్రచార కార్యక్రమాన్ని చేపడతామని తెలిపారు.
ఈ యాత్రలో ప్రియాంక గాంధీ కూడా పాల్గొంటారా అన్న ప్రశ్నకు ‘గత కొంతకాలంగా ప్రియాంక రావాలని డిమాండ్ చేస్తున్నాం. ఈసారి మా డిమాండ్ ఆమె అంగీకరిస్తుందన్న నమ్మకం ఉంది’ అని వెల్లడించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.