జాతీయ వార్తలు
నేడు చిన్నబోనున్న చంద్రుడు!
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా, ఏప్రిల్ 21: పున్నమి రోజున చంద్రుడు నిండుగా కనిపించడం సహజం. అయితే శుక్రవారం పున్నమి రోజున మాత్రం చంద్రుడు కాస్త చిన్నబోనున్నాడు.‘మినీ మూన్’గా శాస్తజ్ఞ్రులు అభివర్ణించే ఈ సంఘటన మరో 15 ఏళ్లకోసారి మాత్రమే సంభవిస్తుంది. భారత కాలమానం ప్రకారం గురువారం రాత్రి 9.35 గంటల సమయంలో భూమి చుట్టూ పరిభ్రమించే చంద్రుడు తన కక్ష్యలో సుదూరమైన పాయింట్‌వద్ద-అంటే భూమినుంచి దాదాపు 4,06,350 కిలోమీటర్ల దూరంలో ఉంటాడు. మామూలుగా అయితే చంద్రుడు భూమికి 3,84,000 కిలోమీటర్ల దూరంలో ఉంటాడు. శుక్రవారం నిండుపున్నమి సంభవించినప్పుడు చంద్రుడు భూమికి అత్యంత దూరంగా ఉండే పాయింట్‌కు దగ్గర్లో ఉంటాడని, అందువల్ల మామూలుగా ఉండే సైజుకన్నా చిన్నగా ఉంటాడని కోల్‌కతా ఎంపి బిర్లా ప్లానిటోరియం డైరెక్టర్ దేవి ప్రసాద్ దువారి పిటిఐతో అన్నారు. శుక్రవారం ఉదయం 10.55 గంటలకు పగటిపూట ఈ అరుదైన సంఘటన జరుగుతుంది గనుక ఇది మన కంటికి కనిపించదు. అయితే రాత్రి పూట మాత్రం ‘మినీ మూన్’ కాస్త చిన్నగా కనిపిస్తాడు. కాగా, ఇలాంటి సంఘటన మళ్లీ 2030 డిసెంబర్ 10న సంభవిస్తుందని దేవీ ప్రసాద్ చెప్పారు. అయితే ఇంటర్నెట్‌లో ప్రచారం అవుతున్నట్లుగా సమయంలో చంద్రుడు లేత ఎరుపు(పింక్)లేదా పసుపు రంగులో కానీ ఉండడని, మామూలుగా ఉండే ధవళ వర్ణంలోనే ఉంటాడని ఆయన చెప్పారు. చంద్రుడు భూమికి దగ్గరగా వచ్చినప్పుడు సంభవించే ‘సూపర్‌మూన్’తో పోలిస్తే ‘మినీ మూన్’ సైజు 14 శాతం తక్కువగా ఉంటుంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.