జాతీయ వార్తలు
మోదీ సూటుకు గిన్నిస్‌లో చోటు!
S ,7 à 8 RSCA (si SASPAS) et 6 cialis pharmacie cialis rapports de stage.
సూరత్ (గుజరాత్), ఆగస్టు 20: అమెరికా అధ్యక్షుడు బరాక్ ఒబామా గత ఏడాది న్యూఢిల్లీలో పర్యటించినప్పుడు ప్రధాన మంత్రి నరేంద్ర మోదీ ధరించిన మోనోగ్రామ్డ్ సూటు ప్రపంచంలోనే అత్యంత ఖరీదైన సూటుగా గిన్నిస్ రికార్డుల పుస్తకంలో చోటు దక్కించుకుంది. ఈ సూటును గత ఏడాది ఫిబ్రవరిలో వేలం వేయగా, గుజరాత్‌లోని సూరత్‌కు చెందిన వజ్రాల వ్యాపారి, ధర్మానంద్ డైమండ్ కంపెనీ యజమాని లాల్‌జీ భాయ్ పటేల్ రూ.4.31 కోట్లకు కొనుగోలు చేశారు. దీంతో సుమారు ఐదు నెలల క్రితం ఈ సూటుకు ప్రపంచ రికార్డుల్లో చోటు కల్పించాలని కోరడంతో ప్రపంచంలో అత్యంత ఖరైదీన సూటుగా దీనిని గుర్తిస్తున్నట్లు గిన్నిస్ బుక్ నిర్వాహకుల నుంచి రెండు నెలల క్రితం ధ్రువీకరణ పత్రం అందిందని, ప్రపంచ రికార్డుల్లో ఈ సూటుకు చోటు లభించడం ఎంతో గర్వకారణమని లాల్‌జీ భాయ్ పటేల్ కుమారుడు హితేష్ పటేల్ సంతోషాన్ని వ్యక్తం చేశారు. ప్రధాని ‘నరేంద్ర దామోదర్‌దాస్ మోదీ’ పేరును చారల రూపంలో సువర్ణాక్షరాలతో పొదిగి రూపొందించిన ఈ సూటును వేలంలో 4,31,31,311 రూపాయలకు కొనుగోలు చేసి ప్రజల సందర్శనార్థం తమ సంస్థ రిసెప్షన్ హాలులోని అద్దాల క్యాబిన్‌లో ఉంచామని, ఈ వేలం ద్వారా సేకరించిన సొమ్మును గంగా నది ప్రక్షాళన కార్యక్రమానికి ఉపయోగించడం జరుగుతుందని ఆయన తెలిపారు. ఈ సూటును వేలం వేయడం ద్వారా మోదీ స్వానురక్తిని చాటుకున్నారని ప్రతిపక్ష పార్టీలు విమర్శలు గుప్పిస్తున్నాయి. కేవలం ధనికులకోసం పనిచేస్తున్న ‘సూటు-బూటు ప్రభుత్వానికి’ మోదీ నాయకత్వం వహిస్తున్నారని కాంగ్రెస్ పార్టీ ఉపాధ్యక్షుడు రాహుల్ గాంధీ నిందించారు.
అత్యంత ఖరీదైన సూటులో ప్రధాని నరేంద్ర మోదీ (ఫైల్ ఫొటో)
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.