24.సుందరులతి తేజస్వులు సుగుణవంతు
లన్నదమ్ములు తనవెంట రాగ వౌని
సరయు తీరము జేరి వాత్సల్య పూర్ణు
డౌచు రాకొమరులజూచి రాచ తపసి

25.శ్రమమున్ క్షుత్పిపాసల నాశకములు
బల అతిబల విద్యలు శుభప్రదము లంచు
రామునకుపదేశించె ముని ప్రభుండు
రాముజేరి రాణించు నావిద్యలనుచు

జ్ఞానం వల్లనే సర్వ అనర్థాలు కలుగుతాయి. అజ్ఞానం నశిస్తే జ్ఞానం ఉదయిస్తుంది. అపుడు ఇబ్బందులేవీ ఉండవు.దేనినైనా పూర్తిగా తెలుసుకొంటే దానిగురించిన అవగాహన వస్తుంది. పూర్తిగా తెలిసినదే కనుక ఏమీ అనుమానం ఉండదు. కాని ఏ వస్తువు గురించి యైనా పూర్తిగా తెలియకుండానే తెలుసు అనే భ్రమ కలిగితే అపుడు అజ్ఞానం ఆవరిస్తుంది. చీకటిలో పొడవుగా ఉన్న దానిని చూసి దానే్న పాము అనుకొంటే అది అజ్ఞానమవుతుంది.

దానగుణానికి మించిన ఉత్తమ గుణం వేరొకటి లేదు. మనం చేసే దానం ఇతరులకు శ్రేయస్సునిస్తుందంటే దానం చేయడం మంచిది అని స్వామి వివేకానంద అంటారు. మరణించిన తరువాత మన శరీర అవవయాలను ఇతరుల ప్రయోజనార్థం దానం చేసేవారు మరణంలోనూ జీవిస్తారు. తమ జీవితాలు ఆరిపోయినా ఇతరుల జీవితాల్లో వెలుగులు నింపేవారు నిజంగా ధన్యులు. తను జీవించి ఉండగానే దేహాన్ని త్యాగం చేసిన త్యాగపురుషుడు దధీచి మహర్షి.

అవన్తికాయాం విహితావతారం
ముక్తిప్రదానాయ చ సజ్జనానామ్
అకాలమృత్యోః పరిరక్షణార్థం
వనే్ద మహాకాలమహం సురేశమ్
భావం: సజ్జనులకు మోక్షమునిచ్చుటకై ఉజ్జయినీ పట్టణమునందు అవతరించి దేవనాయకుడగు మహాకాలుని అకాల మృత్యువునుండి రక్షించుటకై నమస్కరించుచున్నాను. శివశంకరుడు భక్తవశంకరుడు భక్తులపై అపార కృపావర్షాన్ని కురిపించు భవుడు.