ఇస్లామాబాద్, సెప్టెంబర్ 26: జమ్ముకాశ్మీర్‌లోని ఉరీ సెక్టార్‌లోని ఆర్మీ క్యాంపుపై జరిగిన ఉగ్రదాడిపై నిష్పక్షపాతంగా అంతర్జాతీయ విచారణ జరగాలని పాకిస్తాన్ డిమాండ్ చేసింది. ఈ దాడిలో పాకిస్తాన్‌కు చెందిన ఉగ్రవాదులు పాల్గొన్నారంటూ భారత్ నిరాధార ఆరోపణలు చేస్తోందని పాక్ ప్రధానికి విదేశాంగ వ్యవహారాల సలహాదారు సర్తాజ్ అజీజ్ సోమవారం విమర్శించారు.

బీజింగ్, సెప్టెంబర్ 25: విశ్వంలో జీవుల అనే్వషణకు చైనా ప్రపంచంలోనే అతి పెద్ద ప్రయత్నాన్ని ప్రారంభించింది. వందలాది వ్యోమగాములు, అంతరిక్ష పరిశోధక విద్యార్థులు, ఆసక్తిపరుల సాక్షిగా అతి పెద్ద టెలిస్కోప్ పరీక్షను ప్రారంభించింది. ఇది అలాంటిలాంటి టెలిస్కోప్ కాదు. 30 ఫుట్‌బాల్ మైదానాల విస్తీర్ణం ఎంత ఉందో.. ఈ టెలిస్కోప్ విస్తీర్ణం అంతది.

ఇస్లామాబాద్, సెప్టెంబర్ 25: పాకిస్తాన్ ఉగ్రవాదాన్ని ఎగుమతి చేస్తోందంటూ రెచ్చగొట్టే ప్రకటనలు చేయడంద్వారా భారత ప్రధాని నరేంద్ర మోదీ బాధ్యతారహితంగా ప్రవర్తిస్తున్నారని పాకిస్తాన్ ఆరోపించింది. కాశ్మీర్‌నుంచి ప్రపంచం దృష్టిని మళ్లించడానికి భారత ప్రభుత్వం రూపొందించుకున్న ‘దురుద్దేశపూరితమైన, పకడ్బందీ వ్యూహం’లో భాగమే ఆయన వ్యాఖ్యలని కూడా దుయ్యబట్టింది.

ఐక్యరాజ్య సమితి, సెప్టెంబర్ 24: ఐక్యరాజ్య సమితిలో కాశ్మీర్‌ను అంతర్జాతీయ సమస్య చేయడానికి పాకిస్తాన్ నెలలుగా చేసిన ప్రయత్నాలకు ఐరాసలో ప్రపంచ దేశాలనుంచి ఎలాంటి ప్రతిస్పందనా లభించలేదని, పెరిగిపోతున్న ఉగ్రవాదంపైనే ప్రపంచ దేశాలన్నీ దృష్టిపెట్టాయని ఐక్యరాజ్య సమితిలో భారత శాశ్వత ప్రతినిధి సయ్యద్ అక్బరుద్దీన్ అన్నారు.